Gold and Silver Prices: బంగారం,వెండి ధరల్లో భారీ పతనం.. ఒక్కరోజే వెండిపై రూ.15 వేల తగ్గుదల!

వ్రాసిన వారు Sirish Praharaju

Jun 19, 2026

10:34 am

ఈ వార్తాకథనం ఏంటి

బంగారం,వెండి కొనుగోలు చేయాలనుకునే వారికి శుభవార్త అందింది. అంతర్జాతీయ పరిణామాల ప్రభావంతో దేశీయ బులియన్ మార్కెట్లో బంగారం,వెండి ధరలు భారీగా తగ్గాయి. ముఖ్యంగా అమెరికా-ఇరాన్ మధ్య శాంతి ఒప్పందంపై సంతకాలు జరగడం, హర్ముజ్ జలసంధి తిరిగి తెరుచుకోవడం,అంతర్జాతీయ మార్కెట్లో ముడి చమురు ధరలు గణనీయంగా తగ్గడం వంటి పరిణామాలు పెట్టుబడిదారుల సెంటిమెంట్‌ను మార్చాయి. ముడి చమురు ధరలు తగ్గడంతో ద్రవ్యోల్బణం ఒత్తిడి తగ్గే అవకాశాలు కనిపిస్తున్నాయి. దీంతో సురక్షిత పెట్టుబడిగా భావించే బంగారం కంటే ఈక్విటీ మార్కెట్లపై ఇన్వెస్టర్లు ఆసక్తి చూపుతున్నారు. ఫలితంగా గోల్డ్‌కు డిమాండ్ తగ్గి ధరలు క్షీణిస్తున్నాయి.

వివరాలు

వివిధ నగరాలలో ధరలు

దేశీయ బులియన్ మార్కెట్లో 10 గ్రాముల 24 క్యారెట్ల బంగారం ధర ప్రస్తుతం రూ.1,45,860 వద్ద కొనసాగుతోంది. శుక్రవారం ఒక్కరోజే ఈ ధర రూ.3,650 మేర తగ్గింది. అదే 22 క్యారెట్ల 10 గ్రాముల బంగారం ధర రూ.1,33,700 వద్ద ట్రేడవుతుండగా, నేడు రూ.3,350 తగ్గింది. హైదరాబాద్‌లో 24 క్యారెట్ల బంగారం ధర రూ.1,45,860గా ఉండగా, 22 క్యారెట్ల ధర రూ.1,33,700 వద్ద కొనసాగుతోంది. బెంగళూరులో కూడా ఇదే ధరలు నమోదయ్యాయి. 24 క్యారెట్ల బంగారం రూ.1,45,860, 22 క్యారెట్ల బంగారం రూ.1,33,700 వద్ద ట్రేడవుతున్నాయి. చెన్నైలో బంగారం ధరలు మరింతగా తగ్గాయి. అక్కడ 24 క్యారెట్ల 10 గ్రాముల బంగారం ధర రూ.1,48,040గా ఉండగా, ఒక్కరోజే రూ.4,140 తగ్గింది.

వివరాలు

వెండి ధరలు

22 క్యారెట్ల బంగారం ధర రూ.1,35,700 వద్ద కొనసాగుతుండగా, నేడు రూ.3,800 మేర క్షీణించింది. దేశ రాజధాని ఢిల్లీలో 24 క్యారెట్ల బంగారం ధర రూ.1,46,010గా ఉండగా, 22 క్యారెట్ల బంగారం ధర రూ.1,33,850 వద్ద ట్రేడవుతోంది. ఇక ముంబైలో 24 క్యారెట్ల బంగారం రూ.1,45,860, 22 క్యారెట్ల బంగారం రూ.1,33,700 వద్ద కొనసాగుతున్నాయి. మరోవైపు వెండి ధరలు కూడా భారీగా పడిపోయాయి. హైదరాబాద్‌లో కిలో వెండి ధర ప్రస్తుతం రూ.2.55 లక్షలుగా ఉండగా, అంతకుముందు రోజు రూ.2.70 లక్షలుగా నమోదైంది. అంటే ఒక్కరోజులోనే కిలోపై రూ.15 వేల మేర తగ్గింది. చెన్నైలో కూడా కిలో వెండి ధర రూ.2.55 లక్షల వద్ద కొనసాగుతోంది.

వివరాలు

రానున్న రోజుల్లో లోహాల ధరలు మరింత మారే అవకాశం

బెంగళూరులో కిలో వెండి ధర రూ.2.50 లక్షలుగా ఉండగా, నిన్నటి రూ.2.60 లక్షలతో పోలిస్తే రూ.10 వేల తగ్గుదల నమోదైంది. అంతర్జాతీయ ఆర్థిక పరిణామాలు, పెట్టుబడిదారుల మారుతున్న వ్యూహాల నేపథ్యంలో బంగారం, వెండి ధరల్లో ఈ హెచ్చుతగ్గులు కొనసాగుతున్నాయని మార్కెట్ వర్గాలు చెబుతున్నాయి. రానున్న రోజుల్లో అంతర్జాతీయ పరిస్థితులు, డాలర్ బలం, ముడి చమురు ధరల కదలికలను బట్టి విలువైన లోహాల ధరలు మరింత మారే అవకాశం ఉందని నిపుణులు అంచనా వేస్తున్నారు.