Gold Price: దిగొస్తున్న పసిడి.. ఇవాళ్టి బంగారం, వెండి ధరలు ఎలా ఉన్నాయంటే? ...
ఈ వార్తాకథనం ఏంటి
గత కొన్ని రోజులుగా ఎగబాకిన బంగారం,వెండి ధరలు ఇప్పుడు కొద్దిగా ఉపశమనం చూపిస్తున్నాయి. ముఖ్యంగా సోమవారం మార్కెట్‌లో స్వల్పంగా తగ్గుదల కనిపించింది. అంతర్జాతీయంగా తగ్గిన ప్రభావం దేశీయ మార్కెట్‌లో కూడా కనిపించింది. MCXలో 10 గ్రాముల పసిడి ధర రూ.1900కిపైగా పడిపోయింది. ఆగస్టు 18 ఉదయం 6 గంటల సమయంలో 24 క్యారెట్ల 10 గ్రాముల బంగారం ధర రూ.1,01,170గా నమోదైంది. అదే సమయంలో 22 క్యారెట్ల 10 గ్రాముల ధర రూ.92,740 కాగా, 18 క్యారెట్ల బంగారం ధర రూ.75,880గా ఉంది. అయితే రోజులో ఎప్పుడైనా ఈ రేట్లు పెరిగే, తగ్గే లేదా స్థిరంగా కొనసాగే అవకాశం ఉంది.
వివరాలు
వెండి ధరల విషయంలో స్వల్ప మార్పులు
దేశవ్యాప్తంగా కూడా రేట్లు పెద్దగా తేడా లేకుండా ఉన్నాయి. ఢిల్లీలో 24 క్యారెట్ల 10 గ్రాముల బంగారం రూ.1,01,320 ఉండగా, 22 క్యారెట్ల ధర రూ.92,890గా ఉంది. ముంబై, హైదరాబాద్, విజయవాడ, బెంగళూరు, చెన్నై నగరాల్లో 24 క్యారెట్ల 10 గ్రాముల బంగారం ధర రూ.1,01,170గా ఉండగా, 22 క్యారెట్ల ధర రూ.92,740గా కొనసాగుతోంది. వెండి ధరల విషయంలో కూడా స్వల్ప మార్పులు గమనించబడ్డాయి. దేశీయ మార్కెట్‌లో కిలో వెండి రూ.1,16,100గా ఉండగా, హైదరాబాద్,చెన్నై,కేరళ మార్కెట్లలో కిలో ధర రూ.1,26,100గా నమోదైంది. ఈ ధరల తగ్గుదల పసిడి కొనుగోలు దారులకు కొంత ఊరటను ఇస్తుందని నిపుణులు చెబుతున్నారు. రాబోయే పండుగలు, వివాహ సీజన్ దృష్ట్యా ఈ తగ్గుదల మార్కెట్‌కు పాజిటివ్ సంకేతంగా భావిస్తున్నారు.
వివరాలు
వాణిజ్య ఉద్రిక్తతలే బంగారం ధరల్లోని ఈ మార్పుల వెనుక ప్రధాన కారణం
దీంతో కొత్తగా కొనుగోలు చేసేందుకు ఇది వినియోగదారులను ప్రోత్సహించే అవకాశం ఉందని విశ్లేషకులు అంచనా వేస్తున్నారు. ఇక బంగారం ధరల్లోని ఈ మార్పుల వెనుక ప్రధాన కారణం భారత్-అమెరికా మధ్య కొనసాగుతున్న వాణిజ్య ఉద్రిక్తతలేనని ఆర్థిక నిపుణులు చెబుతున్నారు. సుంకాల వివాదం కారణంగా ప్రపంచ ఆర్థిక వాతావరణం అస్థిరంగా మారి, దేశీయ ఆర్థిక రంగంపై కూడా ప్రభావం చూపుతోంది. ఈ నేపథ్యంలో ఇటీవల పెరిగిన బంగారం ధరలు ఇప్పుడు కాస్త తగ్గుదల చూపుతున్నాయని నిపుణుల విశ్లేషణ.