Intel: ఇంటెల్ ఉద్యోగులకు శుభవార్త.. పాత సదుపాయాల పునరుద్ధరణ
ప్రముఖ టెక్ కంపెనీ ఇంటెల్ తన ఉద్యోగుల కోసం కొంతకాలం నిలిపివేసిన ఉచిత పానీయాల సదుపాయాన్ని మళ్లీ పునరుద్ధరిస్తున్నట్లు ప్రకటించింది. ఉద్యోగులకు ఉత్సాహపరిచేందుకు ఈ నిర్ణయం తీసుకున్నట్లు కంపెనీ స్పష్టం చేసింది. చాయ్, కాఫీ వంటి ఉచిత పానీయాలు మళ్లీ అందుబాటులోకి తెస్తున్నట్లు ఒక అంతర్గత సందేశం ద్వారా వెల్లడించింది. గతేడాది వ్యయ నియంత్రణలో భాగంగా ఈ సౌకర్యాన్ని నిలిపివేసిన విషయం తెలిసిందే. అయితే, ఉచిత పానీయాల సౌకర్యం లేకపోవడంతో కొందరు ఉద్యోగుల్లో ఆసక్తి తగ్గినట్లు ఇంటెల్ గుర్తించింది.
అందుబాటులోకి రాని ఉచిత పండ్లు
దీనిని దృష్టిలో పెట్టుకొని కంపెనీ ఉద్యోగుల్లో సానుకూల భావనను కలిగించేందుకు పాత సదుపాయాలను తిరిగి తీసుకొచ్చింది. సాధారణ సౌకర్యాలు ఉద్యోగుల దినచర్యలో ముఖ్యమైన స్థానాన్ని కలిగి ఉంటాయని, దీనిని తాము ఆర్థం చేసుకున్నామని కంపెనీ పేర్కొంది. అయితే ఉచిత పానీయాలను తిరిగి ప్రారంభిస్తున్నప్పటికీ, గతంలో అందిస్తున్న ఉచిత పండ్లు ఇంకా అందుబాటులోకి రాలేదని స్పష్టం చేసింది.
