Indigo-Air India: విజయవాడ-విశాఖపట్నం ప్రయాణికులకు గుడ్‌న్యూస్.. మరో రెండు విమాన సర్వీసులు ప్రారంభం
ఈ వార్తాకథనం ఏంటి
విజయవాడ నుంచి విశాఖపట్నం మధ్య ప్రయాణించే వారి సౌకర్యం కోసం మరో రెండు విమాన సర్వీసులు ప్రారంభం కానున్నాయి.
ఆదివారం నుంచి ఇండిగో, ఎయిర్ ఇండియా ఎక్స్ప్రెస్ సంస్థలు ఈ సర్వీసులను ప్రారంభిస్తుండగా, వాటిని కేంద్ర పౌర విమానయాన శాఖ మంత్రి రామ్మోహన్ నాయుడు ప్రారంభించనున్నారు.
ఇందులో భాగంగా, విజయవాడ అంతర్జాతీయ విమానాశ్రయం నుంచి ఇండిగో విమానం సాయంత్రం 7:15కి బయలుదేరి, రాత్రి 8:20కి విశాఖ చేరుకుంటుంది.
Details
మూడుకు చేరుకున్న విమాన సర్వీసుల సంఖ్య
అదే విమానం రాత్రి 8:45కి విశాఖ నుంచి తిరిగి బయలుదేరి, రాత్రి 9:50కి విజయవాడకు వస్తుంది.
ఎయిర్ ఇండియా ఎక్స్ప్రెస్ సర్వీస్‌ ఉదయం 9:35కి విశాఖ నుంచి బయలుదేరి, ఉదయం 10:35కి విజయవాడ చేరుకుంటుంది. తిరిగి రాత్రి 7:55కి బయలుదేరి, రాత్రి 9:00కి విశాఖ చేరుకుంటుంది.
ఈ కొత్త సర్వీసులతో విజయవాడ-విశాఖపట్నం మధ్య ఉన్న విమాన సర్వీసుల సంఖ్య మూడుకు చేరనుంది.