Uday Kotak: కేవలం ₹30 లక్షలతో మొదలైన కోటక్ మహీంద్రా బ్యాంక్? ఇదే ఉదయ్ కోటక్ మ్యాజిక్
ఈ వార్తాకథనం ఏంటి
కోటక్ మహీంద్రా బ్యాంక్ వ్యవస్థాపకుడు ఉదయ్ కోటక్, తన బ్యాంకింగ్‌ ప్రయాణం ఎలా మొదలైందో ఇటీవల వివరించారు. 1985లో కేవలం ₹30 లక్షల మూలధనంతో, అప్పటి కఠిన నియంత్రణలతో నిండిన భారతీయ ఫైనాన్షియల్ వ్యవస్థలో ఉన్న లోపాలను సరిచేయాలనే లక్ష్యంతో ఈ ప్రయాణం మొదలుపెట్టారని చెప్పారు. అప్పుడు బ్యాంకింగ్‌ రంగంలో ప్రభుత్వ బ్యాంకులే ప్రధానంగా ఉండేవి. వడ్డీ రేట్లు కూడా ప్రభుత్వం నిర్ణయించినవే కావడంతో చిన్న, మధ్య స్థాయి వ్యాపారాలకు రుణాలు పొందడం చాలా కష్టంగా ఉండేది.
వ్యాపార నమూనా
బిల్‌ డిస్కౌంటింగ్‌తో మొదలైన కోటక్ తొలి వ్యాపారం
కోటక్ మొదట ప్రారంభించిన బిజినెస్ బిల్‌ డిస్కౌంటింగ్‌. SMEsకి 16% వద్ద నిధులు ఇచ్చి, ఆ బిల్స్‌ను మళ్లీ రీడిస్కౌంట్‌ చేసుకునే వారికి 12% రాబడి ఇచ్చే మోడల్‌ను ఆయన అమలు చేశారు. దీంతో చిన్న వ్యాపారాలకు తక్కువ వడ్డీపై వెంటనే డబ్బు అందగా, వినియోగదారులకు కూడా బ్యాంకులు పొందే లాభం ఒక భాగం రాబడిగా దక్కేది. "అదే 1985-86లో మా గ్రోత్‌కు మొదటి ఓపెన్‌ డోర్‌," అని కోటక్ గుర్తుచేశారు.
వ్యూహాత్మక కూటమి
ఆనంద్ మహీంద్రాతో భాగస్వామ్యం ఎలా ఏర్పడింది?
అదే సమయంలో, హార్వర్డ్‌ పూర్తిచేసుకుని మహీంద్రా ఉగైన్‌ స్టీల్‌లో పనిచేస్తున్న ఆనంద్ మహీంద్రాతో కోటక్ పరిచయం అయ్యారు. మహీంద్రా కంపెనీకి సరఫరా చేసే సప్లయర్లకు తక్కువ వడ్డీపై వెంటనే డబ్బు ఇచ్చే స్కీమ్‌ను కోటక్ సూచించారు. ఆ మోడల్ నచ్చిన ఆనంద్ మహీంద్రా, కోటక్ కంపెనీలో మొదటి బయటి ఇన్వెస్టర్‌గా మారారు. "ఒక రకంగా చూసుకుంటే, ఆనంద్ మహీంద్రానే మా మొదటి వెంచర్ క్యాపిటలిస్ట్," అని కోటక్ అన్నారు.
బ్రాండింగ్ విధానం
కోటక్-మహీంద్రా.. పేర్లలోనే నమ్మకం
కోటక్, తన కంపెనీ పేరు పెట్టడంలో కూడా ప్రత్యేక ఆలోచనతో ముందుకెళ్లారు. ప్రపంచ ఫైనాన్షియల్ దిగ్గజాలైన గోల్డ్‌మన్ సాక్స్‌, మోర్గాన్ స్టాన్లీలా సైన్‌బోర్డుపై 'కోటక్ మహీంద్రా' అనే రెండు పేర్లు తప్పనిసరిగా ఉండాలని పట్టుబట్టారు. "మా పేరు పెట్టడం అంటే మా ప్రతిష్టను కస్టమర్ల ముందు పెట్టినట్టే. అది వారికి నమ్మకం ఇచ్చింది," అని ఆయన చెప్పారు.
వ్యాపార తత్వశాస్త్రం
'ప్రొఫెషనల్‌ ఎంట్రప్రెన్యూర్షిప్‌' అనే కోటక్ తత్వం
కంపెనీ ఎదగాలంటే ఉత్సాహంగా రిస్క్‌ తీసుకోవడం, అలాగే క్రమశిక్షణతో పనిచేయడం - ఈ రెండింటినీ కలిపిన సంస్కృతి అవసరం అని కోటక్ నమ్మకం. ఇదే తత్త్వంతో గోల్డ్‌మ్యాన్ సాచ్స్తో క్యాపిటల్ మార్కెట్ల భాగస్వామ్యం, మల్టీనేషనల్స్‌ను అధిగమించే కార్ ఫైనాన్స్‌, మ్యూచువల్ ఫండ్లు, ఇన్షూరెన్స్‌లలోకి ప్రవేశం సాధ్యమైందని ఆయన చెప్పారు.
మార్కెట్ అంతర్దృష్టి
భారత ఫైనాన్షియల్ రంగం మార్పుపై దృక్పథం
1985లో భారత ఆర్థిక రంగం పెద్ద మార్పు దిశగా ప్రయాణిస్తున్న సమయం అని కోటక్ గుర్తు చేసుకున్నారు. "మేము నిజానికి సరైన సమయంలో, సరైన చోట ఉన్నాము. అది మా అదృష్టం కూడా," అని అన్నారు. ఈరోజు, కోటక్ మహీంద్రా బ్యాంక్ దేశంలో అత్యంత విశ్వసనీయమైన, అతి పెద్ద ప్రైవేట్ బ్యాంకుల్లో ఒకటిగా నిలిచింది.