Indian Economy: భారత ఆర్థిక వ్యవస్థ 2047 వరకు 8% లేదా అంతకంటే ఎక్కువ వృద్ధి చెందుతుంది: సీనియర్ IMF అధికారి
ఇంటర్నేషనల్ మానిటరీ ఫండ్(ఐఎంఎఫ్) సీనియర్ అధికారి ష్ణమూర్తి వెంకట సుబ్రమణియన్ భారత ఆర్థిక వ్యవస్థపై కీలక వ్యాఖ్యలు చేశారు. గత 10 ఏళ్లలో దేశం అమలు చేసిన మంచి విధానాలను రెట్టింపు చేసి, సంస్కరణలను వేగవంతం చేయగలిగితే, 2047 వరకు భారత ఆర్థిక వ్యవస్థ 8 శాతం లేదా అంతకంటే ఎక్కువ వృద్ధి చెందుతుందని సుబ్రమణియన్ ఈ రోజు అన్నారు. సుబ్రమణియన్ మాట్లాడుతూ 8 శాతం వృద్ధి రేటు అనేది చాలా ప్రతిష్టాత్మకమైనదని, ఎందుకంటే భారత్ ఇంతకుముందు 8 శాతం వద్ద స్థిరంగా వృద్ధి చెందలేదు, కానీ సాధించగలిగిందని చెప్పారు.
2023 చివరి మూడు నెలల్లో 8.4శాతం వృద్ధి
కాబట్టి,మా ఆలోచన ఏమిటంటే,గత 10 సంవత్సరాలలో భారతదేశం నమోదు చేసుకున్న వృద్ధి రకంతో, మేము గత 10 సంవత్సరాలుగా అమలు చేసిన మంచి విధానాలను రెట్టింపు చేయగలిగితే,సంస్కరణలను వేగవంతం చేయగలిగితే,అప్పుడు భారతదేశం 2047 వరకు 8 శాతం వద్ద వృద్ధి చెందుతుంది, "అని టైమ్స్ నౌ సమ్మిట్‌లో ఆయన అన్నారు. 2023 చివరి మూడు నెలల్లో భారతదేశ ఆర్థిక వ్యవస్థ ఊహించిన దాని కంటే మెరుగైన 8.4శాతం వృద్ధిని సాధించింది. గత ఒకటిన్నర సంవత్సరాల్లో అత్యంత వేగాన్ని నమోదు చేసింది. అక్టోబరు-డిసెంబర్‌లో వృద్ధి రేటు ప్రస్తుత ఆర్థిక సంవత్సరం అంచనాలను 7.6 శాతానికి తీసుకువెళ్లింది. 1991 నుండి, భారతదేశ సగటు వృద్ధి 7శాతం కంటే కొంచెం ఎక్కువగా ఉందని ఆయన హైలెట్ చేశారు.
బ్యాంకింగ్ రంగంలో సంస్కరణలు అవసరం
దేశం జిడిపిలో 58 శాతం దేశీయ వినియోగం నుండి వస్తున్నందున భారతదేశం తన దేశీయ ఆర్థిక వ్యవస్థను బలోపేతం చేయాల్సిన అవసరం ఉందని సుబ్రమణియన్ ఉద్ఘాటించారు. అందుకే, తగినంత ఉద్యోగాలను సృష్టించగలిగితే అది చాలా ఎక్కువ వినియోగానికి దారి తీస్తుందని అన్నారు. భారత IMF ఎగ్జిక్యూటివ్ డైరెక్టర్ ఉద్యోగాల కల్పన కోసం తయారీ రంగాన్ని ప్రోత్సహించాల్సిన అవసరాన్ని నొక్కి చెప్పారు. భూమి, కార్మిక, మూలధనం, లాజిస్టిక్స్ రంగంలో సంస్కరణలు అవసరమని కూడా ఆయన సూచించారు. తయారీ రంగంలో సంస్కరణలు అవసరం, కానీ అదే సమయంలో, తయారీ రంగానికి క్రెడిట్ అందించడానికి బ్యాంకింగ్ రంగంలో కూడా సంస్కరణలు అవసరమని సుబ్రమణియన్ పేర్కొన్నారు.
