Asian Share Market: అమెరికా-చైనా టారిఫ్ యుద్ధం ప్రభావం.. భారీ నష్టాల్లో ఆసియా మార్కెట్లు!
ఈ వార్తాకథనం ఏంటి
ఆసియా స్టాక్‌ మార్కెట్ మరోసారి తీవ్రమైన పతనాన్ని చవిచూశాయి.
అమెరికా-చైనా మధ్య కొనసాగుతున్న సుంకాల యుద్ధం (టారిఫ్ వార్) తీవ్రతరమవడంతో మార్కెట్లు తీవ్ర ఒడిదుడుకులను ఎదుర్కొంటున్నాయి.
చైనా ప్రకటించిన ప్రతీకార సుంకాలకు ప్రతిగా, అమెరికా అధ్యక్షుడు డొనాల్డ్ ట్రంప్‌ చైనా ఉత్పత్తులపై 104 శాతం వరకూ భారీ సుంకాలను ప్రకటించడమే మార్కెట్ల పతనానికి ప్రధాన కారణంగా భావిస్తున్నారు.
ప్రపంచ వాణిజ్య యుద్ధ భయాల నడుమ ఆసియా మార్కెట్లు భారీ నష్టాలను నమోదుచేశాయి. జపాన్‌ నిక్కీ 225 సూచీ ప్రారంభంలోనే 3.9 శాతానికి పైగా పతనమైంది.
Details
ప్రభావానికి లోనైన న్యూజిలాండ్ మార్కెట్లు
మార్కెట్ ప్రారంభమైన గంట వ్యవధిలోనే ఇది 3.5 శాతం తగ్గి 31,847.40 స్థాయికి చేరగా, ప్రస్తుతం 2.62 శాతం నష్టంతో 32,147.04 వద్ద ట్రేడవుతోంది.ఇతర ఆసియా మార్కెట్లు కూడా తీవ్ర ప్రభావాన్ని ఎదుర్కొన్నాయి.
దక్షిణ కొరియాలో కోస్పి సూచీ 1 శాతం పడిపోయి 2,315.27కు చేరింది. ఆస్ట్రేలియాలో ఎస్‌అండ్‌పీ-ఏఎస్‌ఎక్స్‌ 200 సూచీ 2 శాతం తగ్గి 7,359.30కి చేరుకుంది.
న్యూజిలాండ్ మార్కెట్లు సైతం ఈ ప్రభావానికి లోనయ్యాయి. అంతకు ముందు అమెరికా మార్కెట్లు కూడా నష్టాల్లోకి జారుకున్నాయి.
ఎస్‌అండ్‌పీ 500 మంగళవారం ప్రారంభంలో 4.1 శాతం లాభాలను నమోదు చేసినా, అనంతరం 1.6 శాతం నష్టపోయింది.
Details
ఇప్పటివరకూ 19శాతం నష్టం
ఫిబ్రవరిలో ఉన్న రికార్డు స్థాయి నుంచి ఇప్పటివరకు దాదాపు 19 శాతం నష్టాన్ని చూసింది.
డౌ జోన్స్ ఇండస్ట్రియల్ యావరేజ్ 0.8 శాతం తగ్గింది. నాస్‌డాక్ కాంపోజిట్ సూచీ 2.1 శాతం పతనమైంది. చైనా ప్రతీకార సుంకాలపై ట్రంప్‌ తీవ్రమైన వ్యాఖ్యలు చేశారు.
అమెరికా తాజాగా పెంచిన సుంకాలపై చైనా ఎలా స్పందిస్తుందో చూడాల్సిన పరిస్థితి నెలకొంది.
అయితే ఇప్పటికే చైనా తమ ఉత్పత్తులపై అమెరికా సుంకాలు పెంచితే, తాము కూడా అదే విధంగా ప్రతీకారం తీసుకుంటామని స్పష్టం చేసింది.
ఇరుదేశాల మధ్య కొనసాగుతున్న ఈ టారిఫ్ యుద్ధం గ్లోబల్ మార్కెట్లపై తీవ్ర ప్రభావాన్ని చూపుతోంది.
Details
తీవ్రమైన ఒత్తిడిని ఎదుర్కొనే ప్రమాదం
వైట్ హౌస్ ప్రకటన ప్రకారం పెరిగిన సుంకాలు అర్ధరాత్రి నుంచే అమలులోకి రానున్నట్లు వెల్లడించడంతో ఆసియా మార్కెట్లు మునుపటి రోజుతో పోల్చితే తీవ్రమైన పతనాన్ని నమోదు చేశాయి.
మరోవైపు టోక్యోలో సూచీలు 6 శాతం, పారిస్‌లో 2.5 శాతం, షాంఘైలో 1.6 శాతం పెరిగినప్పటికీ, మొత్తం మార్కెట్ వాతావరణం మాత్రం అనిశ్చితిగా ఉంది.
టారిఫ్ యుద్ధం మరింత ముదరితే మార్కెట్లు ఇంకా తీవ్ర ఒత్తిడిని ఎదుర్కోవాల్సి రావచ్చని నిపుణులు హెచ్చరిస్తున్నారు.