Reliance Jio IPO : జియో ఐపీఓ అలాట్‌మెంట్ ఎప్పుడు? లిస్టింగ్ తేదీ, జీఎంపీ ఎంత?
ఈ వార్తాకథనం ఏంటి
రిలయన్స్ ఇండస్ట్రీస్ అనుబంధ సంస్థ జియో ప్లాట్‌ఫామ్స్ ఐపీఓకు దరఖాస్తుల స్వీకరణ ముగిసింది. ఈ పబ్లిక్ ఇష్యూ ద్వారా రూ.30,213 కోట్లను సమీకరించాలని కంపెనీ లక్ష్యంగా పెట్టుకుంది. మూడు రోజుల పాటు జరిగిన బిడ్డింగ్‌లో మదుపరుల నుంచి భారీ స్పందన లభించింది. దీంతో ఐపీఓ మొత్తం 22.19 రెట్లు సబ్‌స్క్రైబ్ అయింది. ఇప్పుడు పెట్టుబడిదారుల దృష్టి షేర్ల కేటాయింపు, గ్రే మార్కెట్ ప్రీమియం, స్టాక్ ఎక్స్ఛేంజీల్లో లిస్టింగ్‌పైనే ఉంది. తెలుగు రాష్ట్రాలకు చెందిన చిన్న, పెద్ద పెట్టుబడిదారులు కూడా ఈ ఐపీఓలో దరఖాస్తు చేసుకున్నారు. ఈ నేపథ్యంలో షేర్ల అలాట్‌మెంట్ తేదీ, స్టేటస్‌ను తెలుసుకునే విధానం, జీఎంపీ, లిస్టింగ్ వివరాలను పరిశీలిద్దాం.
వివరాలు
జియో ఐపీఓ అలాట్‌మెంట్, లిస్టింగ్ తేదీలు ఇవే..
ఐపీఓ షెడ్యూల్ ప్రకారం అక్టోబర్ 26, సోమవారం షేర్ల కేటాయింపు ప్రక్రియ పూర్తికానుంది.
దరఖాస్తు చేసుకున్నవారు తమకు షేర్లు వచ్చాయో లేదో బీఎస్‌ఈ,ఎన్‌ఎస్‌ఈ అధికారిక వెబ్‌సైట్లలో లేదా ఐపీఓ రిజిస్ట్రార్ కెఫిన్ టెక్నాలజీస్ వెబ్‌సైట్‌లో తెలుసుకోవచ్చు.
షేర్లు అలాట్‌ అయిన పెట్టుబడిదారుల డీమ్యాట్ ఖాతాల్లో అక్టోబర్ 27న జమ అవుతాయి.
షేర్లు పొందని వారికి అదే రోజున డబ్బులు తిరిగి చెల్లించనున్నారు.
అక్టోబర్ 28న ఉదయం 10 గంటలకు జియో ప్లాట్‌ఫామ్స్ షేర్లు స్టాక్ ఎక్స్ఛేంజీల్లో లిస్టింగ్ కానున్నాయి. ఆ సమయం నుంచి షేర్ల ట్రేడింగ్ ప్రారంభమవుతుంది.
వివరాలు
జియో ఐపీఓ సబ్‌స్క్రిప్షన్ వివరాలు
జియో ప్లాట్‌ఫామ్స్ ఐపీఓలో భాగంగా మొత్తం 19.75కోట్ల షేర్లను విక్రయానికి ఉంచారు.
అయితే మూడు రోజుల బిడ్డింగ్‌లో ఏకంగా 421.87కోట్ల షేర్లకు దరఖాస్తులు వచ్చాయి.
దీంతో మొత్తం ఇష్యూ 22.19రెట్లు సబ్‌స్క్రైబ్ అయింది.ఈ ఐపీఓపై సంస్థాగత పెట్టుబడిదారులు అత్యధిక ఆసక్తి చూపించారు.
క్వాలిఫైడ్ ఇన్‌స్టిట్యూషనల్ బయ్యర్స్ (క్యూఐబీ) విభాగం తమకు కేటాయించిన కోటాను 70.55రెట్లు సబ్‌స్క్రైబ్ చేసింది.
నాన్‌ ఇన్‌స్టిట్యూషనల్ ఇన్వెస్టర్ల (ఎన్‌ఐఐ)విభాగంలో 14 రెట్లు, రిటైల్ ఇన్వెస్టర్ల విభాగంలో 2.72 రెట్లు సబ్‌స్క్రిప్షన్ నమోదైంది.
ఇక రిలయన్స్ ఇండస్ట్రీస్ వాటాదారుల కోసం కేటాయించిన కోటా 7.60 రెట్లు సబ్‌స్క్రైబ్ కాగా, ఉద్యోగుల విభాగంలో 2.93 రెట్లు సబ్‌స్క్రిప్షన్ వచ్చింది.
ఈ గణాంకాలు ఐపీఓపై వివిధ వర్గాల పెట్టుబడిదారులు చూపిన ఆసక్తిని తెలియజేస్తున్నాయి.
వివరాలు
జియో ఐపీఓ గ్రే మార్కెట్ ప్రీమియం ఎంత?
ప్రాథమిక మార్కెట్ వర్గాల సమాచారం ప్రకారం జియో ప్లాట్‌ఫామ్స్ షేర్లకు గ్రే మార్కెట్‌లో మంచి డిమాండ్ కనిపిస్తోంది.
ప్రస్తుతం ఈ ఐపీఓ గ్రే మార్కెట్ ప్రీమియం(జీఎంపీ)రూ.250గా ఉన్నట్లు సమాచారం.
ఐపీఓ గరిష్ఠ ధర రూ.1,119కు రూ.250ప్రీమియాన్ని కలిపితే, అంచనా ధర రూ.1,369అవుతుంది.
ఈ లెక్కన అక్టోబర్ 28న షేరు ఈ ధర వద్ద లిస్టింగ్ అయితే,ఐపీఓ గరిష్ఠ ధరతో పోలిస్తే సుమారు 22.34 శాతం లాభం వచ్చే అవకాశం ఉంటుంది.
అయితే గ్రే మార్కెట్ ప్రీమియం అనేది అనధికారిక మార్కెట్‌లోని అంచనాల ఆధారంగా మారుతూ ఉంటుంది.
ఇది లిస్టింగ్ ధరకు హామీ కాదు. వాస్తవంగా షేరు ఏ ధర వద్ద లిస్ట్ అవుతుందనేది ఆ రోజు మార్కెట్ పరిస్థితులు,పెట్టుబడిదారుల డిమాండ్‌పై ఆధారపడి ఉంటుంది.
వివరాలు
ఒత్తిడిలో రిలయన్స్ షేరు.. ఐపీఓ నిధులు దేనికి?
అందువల్ల జీఎంపీని మాత్రమే ఆధారంగా చేసుకుని పెట్టుబడి నిర్ణయాలు తీసుకోవద్దని నిపుణులు సూచిస్తున్నారు.
జియో ప్లాట్‌ఫామ్స్ ఐపీఓకు భారీ స్పందన వచ్చినప్పటికీ, మాతృ సంస్థ రిలయన్స్ ఇండస్ట్రీస్ షేరు ధర మాత్రం ఒత్తిడిని ఎదుర్కొంది.
ఐపీఓ బిడ్డింగ్ జరిగిన మూడు రోజుల్లో రిలయన్స్ షేరు సుమారు 1 శాతం పడిపోయింది.
ఈ ఏడాది జనవరిలో నమోదైన 52 వారాల గరిష్ఠ ధర రూ.1,611.20తో పోలిస్తే ప్రస్తుతం రిలయన్స్ ఇండస్ట్రీస్ షేరు సుమారు 26 శాతం దిగువన ట్రేడవుతోంది.
గత ఏడాది కాలంలో ఈ షేరు దాదాపు 18 శాతం నష్టపోయినట్లు గణాంకాలు సూచిస్తున్నాయి.
వివరాలు
ముఖ్యంగా గుర్తుంచుకోవాల్సిన విషయాలు
మరోవైపు, జియో ఐపీఓ ద్వారా సమీకరించనున్న రూ.30,213 కోట్లలో రూ.27,500 కోట్లను రిలయన్స్ జియో ఇన్ఫోకామ్ లిమిటెడ్ అప్పుల చెల్లింపునకు వినియోగించనున్నారు.
మిగిలిన నిధులను సాధారణ కార్పొరేట్ అవసరాల కోసం కేటాయించనున్నారు. దీంతో టెలికాం విభాగం రుణభారాన్ని తగ్గించుకోవడానికి ఈ నిధులు ఉపయోగపడనున్నాయి.
జియో ప్లాట్‌ఫామ్స్ ఐపీఓకు మొత్తం 22.19 రెట్లు సబ్‌స్క్రిప్షన్ నమోదైంది. షేర్ల కేటాయింపు అక్టోబర్ 26న, డీమ్యాట్ ఖాతాల్లో షేర్ల జమ, రీఫండ్ అక్టోబర్ 27న జరగనున్నాయి.
అక్టోబర్ 28న ఉదయం 10 గంటలకు లిస్టింగ్ షెడ్యూల్ చేశారు. ప్రస్తుతం వెల్లడైన జీఎంపీ ఆధారంగా అంచనా లిస్టింగ్ ధర రూ.1,369గా ఉన్నప్పటికీ, వాస్తవ ధర మారవచ్చు.
వివరాలు
గమనిక
ఇది సమాచారం కోసం రూపొందించిన కథనం మాత్రమే. తెలుగు న్యూస్ బైట్స్' కు ఎలాంటి సంబంధం లేదు.
ఏదైనా ఇన్వెస్ట్మెంట్ చేసే ముందు సెబీ రిజిస్టర్డ్ ఫైనాన్షియల్ అడ్వైజర్ని సంప్రదించడం శ్రేయస్కరం.)