Stock Market: భారీ లాభాల్లో ముగిసిన దేశీయ స్టాక్ మార్కెట్‌ సూచీలు.. ₹6 లక్షల కోట్లు పెరిగిన మదుపర్ల సంపద
ఈ వార్తాకథనం ఏంటి
చాలా రోజుల తర్వాత దలాల్‌ స్ట్రీట్‌ కళకళలాడింది. ఈ మధ్య కాలంలో నష్టాలు లేదా స్వల్ప లాభాలతో కొనసాగిన సూచీలు, చివరికి భారీ లాభాలను నమోదు చేశాయి.
ముఖ్యంగా ఫైనాన్షియల్‌, ఆటో మొబైల్‌, ఐటీ రంగ షేర్లలో కొనుగోళ్ల మద్దతు సూచీల పెరుగుదలకు ప్రధాన కారణమైంది.
సెన్సెక్స్‌ ఒక దశలో 1500 పాయింట్లకు పైగా పెరిగింది, నిఫ్టీ దాదాపు 450 పాయింట్ల లాభంతో 24,200 మార్క్‌ సమీపానికి చేరుకుంది.
బీఎస్‌ఈలో నమోదిత కంపెనీల మొత్తం మార్కెట్‌ విలువ ఒకే రోజులో రూ.6 లక్షల కోట్ల మేర పెరిగి, మొత్తం రూ.450 లక్షల కోట్లకు చేరింది.
వివరాలు
సెన్సెక్స్‌1,436.30 పాయింట్లు
సెన్సెక్స్‌ ఉదయం 78,657.52 పాయింట్ల వద్ద లాభాలతో ప్రారంభమై,ఇంతకుముందు ముగింపు 78,507.41 పాయింట్లతో పోలిస్తే మెరుగ్గా కొనసాగింది.
మధ్యాహ్నం వరకు స్వల్ప లాభాలతో కొనసాగిన సెన్సెక్స్‌ చివరికి 1,436.30 పాయింట్ల లాభంతో 79,943.71 వద్ద ముగిసింది.
నిఫ్టీ సైతం 445.75 పాయింట్ల లాభంతో 24,188.65 వద్ద స్థిరపడింది.అయితే, డాలరుతో రూపాయి మారకం విలువ మరింత 10 పైసలు క్షీణించి 85.74కు చేరింది.
సెన్సెక్స్‌ 30 సూచీలో సన్‌ఫార్మా మినహా అన్ని షేర్లు లాభాలను నమోదు చేశాయి.
బజాజ్‌ ఫిన్‌సర్వ్‌, బజాజ్‌ ఫైనాన్స్‌,మారుతీ సుజుకీ, మహీంద్రా అండ్‌ మహీంద్రా,టైటాన్‌ షేర్లు ప్రత్యేకంగా రాణించాయి.
అంతర్జాతీయ మార్కెట్‌లో బ్రెంట్‌ క్రూడ్‌ ధర బ్యారెల్‌కు 75డాలర్ల వద్ద ఉండగా,బంగారం ఔన్సు 2649 డాలర్ల వద్ద కొనసాగింది.
వివరాలు
కారణాలు
ఆటోమొబైల్‌ విక్రయ గణాంకాలు: డిసెంబర్‌ నెలలో ఆటోమొబైల్‌ టోకు విక్రయ గణాంకాలు అంచనాలను మించి ఉండడంతో మార్కెట్‌లో పాజిటివ్‌ సెంటిమెంట్‌ నెలకొంది. ఐషర్‌ మోటార్స్‌ 25% వార్షిక వృద్ధిని, మారుతీ సుజుకీ 30% వృద్ధిని నమోదు చేయడం ఇన్వెస్టర్లలో విశ్వాసాన్ని పెంచింది. ఐషర్‌ మోటార్స్‌ 8% పెరుగుదలను, మారుతీ సుజుకీ 5% పైగా పెరుగుదలను సాధించింది.
ఐటీ రంగం అంచనాలు: డిసెంబర్‌ త్రైమాసికంతో పాటు 2025లో కూడా ఐటీ కంపెనీలు మెరుగైన రెవెన్యూ వృద్ధిని సాధిస్తాయని బ్రోకరేజీ సంస్థల అంచనాలు ఐటీ స్టాక్స్‌లో కొనుగోళ్లను ప్రోత్సహించాయి. ఇన్ఫోసిస్‌, టీసీఎస్‌, హెచ్‌సీఎల్‌ టెక్‌, టెక్‌ మహీంద్రా షేర్లు బలంగా రాణించాయి.
వివరాలు
కారణాలు
జీఎస్టీ వసూళ్ల పెరుగుదల: డిసెంబర్‌ నెల జీఎస్టీ వసూళ్లు రూ.1.77 లక్షల కోట్లుగా నమోదవడం ఆర్థిక వ్యవస్థ మెరుగవుతున్న సంకేతాలను ఇచ్చింది. ఈ గణాంకాలు ఆటో, ఫైనాన్షియల్‌ రంగాలకు మద్దతునిచ్చాయి.
బ్యాంకింగ్‌ రంగ పుంజుకోవడం: బ్యాంకింగ్‌, ఫైనాన్షియల్‌ స్టాక్స్‌ బలంగా పుంజుకోవడం సూచీల లాభాలకు ప్రధాన కారణమైంది. బజాజ్‌ ఫిన్‌సర్వ్‌, బజాజ్‌ ఫైనాన్స్‌, హెచ్‌డీఎఫ్‌సీ బ్యాంక్‌, కోటక్‌ మహీంద్రా బ్యాంక్‌, ఇండస్‌ఇండ్‌ బ్యాంక్‌ షేర్లు మార్కెట్‌ను ముందుకు నడిపించాయి.
టెక్నికల్‌ అంశాలు: నిఫ్టీ 200 రోజుల మూవింగ్‌ యావరేజీకి పైకి చేరుకోవడం బలమైన కొనుగోళ్లకు కారణమైంది. వీక్లీ ఎక్స్‌పైరీ కూడా మార్కెట్‌ను సహకరించింది.