నిఫ్టీ బ్యాంక్ ఎఫ్ అండ్ ఓ కాంట్రాక్టు ఎక్స్పైరీ డేగా శుక్రవారం
ఈ వార్తాకథనం ఏంటి
నిఫ్టీ బ్యాంక్ ఫ్యూచర్ అండ్ ఆప్షన్స్ కాంట్రాక్టు కాలపరిమితిలో కీలక మార్పులు చోటుచేసుకున్నాయి. గురువారానికి బదులుగా శుక్రవారానికి మారింది. ఈ మేరకు మార్పులు చేస్తూ NSE ప్రకటన విడుదల చేసింది. ప్రస్తుతానికి నిఫ్టీ బ్యాంక్ వీక్లీ కాంట్రాక్ట్స్ నెలవారీ, త్రైమాసిక కాంట్రాక్ట్స్ సంబంధిత నెల చివరి గురువారం ఎక్స్పైర్ అవుతున్నాయి. ఈ ఎక్స్పైరీని ఇక నుంచి శుక్రవారానికి మార్చేస్తున్నట్లు నేషనల్ స్టాక్ ఎక్స్చేంజ్ ఆఫ్ ఇండియా పేర్కొంది. ఈ నూతన నియమ నిబంధనలు జులై 7 నుంచి అమల్లోకి వస్తుందని స్పష్టం చేస్తూ సర్క్యులర్ను జారీ చేసింది. అయితే టెక్నికల్ గా తొలి ఫ్రైడే ఎక్స్పైరీ మాత్రం జులై 14నే జరుగుతుందని NSE వెల్లడించింది.
Nifty Bank F And O Expiry On Friday Rather Thursday
జులై 14నే తొలి ఫ్రైడే ఎక్స్పైరీ
ఏదైనా కారణం వల్ల ఫ్రైడే హాలిడేగా వస్తే, ముందు ట్రేడింగ్ సెషన్లోనే ఎక్స్పైరీ ఉంటుందని వివరించింది. ప్రస్తుతం ఉన్న కాంట్రాక్టుల ఎక్స్పైరీ జులై 13 గురువారం కనుక, జులై 14న ఫ్రైడే ఎక్స్పైరీ అవుతుంది. గత నిబంధనల ప్రకారం 2023 ఆగస్టులో బ్యాంక్ నిఫ్టీ ఎఫ్ అండ్ ఓ ఎక్స్పైరీ ఆ నెల 31న జరగాల్సి ఉంది. తాజా రూల్స్ ప్రకారం ఆగస్టు 25న జరుగుతుందని సంస్థ వివరించింది. NSEకి పోటీగా మేలో బాంబే స్టాక్ ఎక్స్చేంజ్ సైతం కాంట్రాక్ట్స్లను మొదలుపెట్టింది. స్టాక్ మార్కెట్లో ఓక్కో షేరు ప్రత్యేకంగా కొనొచ్చు. ఎఫ్ అండ్ ఓలో అలా ఉండదు. ఇందులో లాట్స్ అని ఉంటాయి. ఒక్కో లాట్స్ 100కుపైగా షేర్లను కలిగి ఉండటం గమనార్హం.