Nikhil Kamath-Musk: నిఖిల్ కామత్-ఎలాన్ మస్క్ పాడ్‌కాస్ట్ టీజర్ సోషల్ మీడియాలో వైరల్!
ఈ వార్తాకథనం ఏంటి
జెరోధా (Zerodha) సహ వ్యవస్థాపకుడు నిఖిల్ కామత్ (Nikhil Kamath) నిర్వహిస్తున్న పాడ్‌కాస్ట్‌లో ఈసారి ప్రపంచ ప్రసిద్ధ కుబేరుడు 'ఎలాన్ మస్క్' (Elon Musk) పాల్గొన్నారు. త్వరలో టెలికాస్ట్ అయ్యే ఈ ఎపిసోడ్‌కు సంబంధించిన టీజర్‌ను నిఖిల్ కామత్ సోషల్ మీడియాలో షేర్ చేయడం వెంటనే వైరల్ అయ్యింది. టీజర్ వీడియో 39 సెకన్ల బ్లాక్‌ అండ్ వైట్ క్లిప్‌గా ఉంది. వీడియోలో నితిన్ కామత్, ఎలాన్ మస్క్ కాఫీ తాగుతూ, సరదాగా నవ్వుకుంటూ స్నేహపూర్వక వాతావరణంలో ఉన్న దృశ్యాలు కనిపిస్తున్నాయి. నిఖిల్ కామత్ వీడియోకు క్యాప్షన్ పెట్టాలని ఫాలోవర్స్‌ను ప్రేరేపిస్తూ పోస్టు చేశారు. వీడియో విడుదలైన కొద్ది గంటల్లోనే మిలియన్ల వీక్షణలు సాధించింది. దీనికి సంబంధించినదిగా నెటిజన్లలో చర్చ మొదలైపోయింది.
Details
టెలికాస్ట్ అయ్యేవరకు నమ్మలేము
అయితే వీడియోలో వారి ముఖావయవాలను గమనించి కొందరు నెటిజన్లు ఇదిAI-జనరేటెడ్ వీడియో అయి ఉండొచ్చని అనుమానాలు వ్యక్తం చేస్తున్నారు. పాడ్‌కాస్ట్ ఎపిసోడ్ టెలీకాస్ట్ అయ్యేవరకు నిజమైన విషయాలు తెలియనివి. నిఖిల్ కామత్ పాడ్‌కాస్ట్‌లో ఇప్పటివరకు పలువురు ప్రఖ్యాత వ్యక్తులు పాల్గొని ప్రసంగాలు ఇచ్చారు. వీరిలో ప్రధాని నరేంద్ర మోదీ, మైక్రోసాఫ్ట్ వ్యవస్థాపకుడు బిల్ గేట్స్, ప్రముఖ ఔషధ కంపెనీ బయోకాన్(Biocon) వ్యవస్థాపకురాలు కిరణ్ మజుందార్ షా, బాలీవుడ్ నటుడు రణ్‌బీర్ కపూర్, ఇన్ఫోసిస్ సహ వ్యవస్థాపకుడు నందన్ నీలేఖని, పారిశ్రామికవేత్త కుమార్ బిర్లా, వెంచర్ క్యాపిటలిస్ట్ వినోద్ ఖోస్లా తదితర అగ్రశ్రేణి వ్యక్తులు ఉన్నారు. ఈసారి మస్క్ పాడ్‌కాస్ట్‌లో పాల్గొనడం, టీజర్‌లో కనిపించిన సహజమైన సంభాషణ, నవ్వులు వీక్షకుల్లో ఆసక్తిని మరింత పెంచాయి.
ట్విట్టర్ పోస్ట్ చేయండి
వైరలవుతున్న వీడియో
Caption this@elonmusk pic.twitter.com/cYluYqm8S8
— Nikhil Kamath (@nikhilkamathcio) November 28, 2025