Oracle new CFO: ఉద్యోగుల తొలగింపు తర్వాత కొత్త CFOకి కోట్ల ఆఫర్.. ఒరాకిల్ స్ట్రాటజీ ఏంటి?

వ్రాసిన వారు Sirish Praharaju

Apr 07, 2026

03:35 pm

ఈ వార్తాకథనం ఏంటి

అమెరికాకు చెందిన ప్రముఖ టెక్ సంస్థ Oracle Corporation ఇటీవల ప్రపంచవ్యాప్తంగా వేలాది ఉద్యోగులను తొలగించిన నేపథ్యంలో, ఇప్పుడు కొత్త చీఫ్ ఫైనాన్షియల్ ఆఫీసర్‌గా హిలరీ మాక్సన్‌ను నియమించింది. ఈ నియామకంతో పాటు ఆమెకు భారీ జీతభత్యాల ప్యాకేజ్ ఇవ్వడం చర్చనీయాంశంగా మారింది. కంపెనీ వెల్లడించిన వివరాల ప్రకారం,మాక్సన్‌కు సంవత్సరానికి $9.5 లక్షల బేసిక్ సాలరీతో పాటు పనితీరు ఆధారంగా $2.5 మిలియన్ బోనస్ ఇవ్వనున్నారు. దీంతో మొత్తం వార్షిక నగదు ఆదాయం $3.45 మిలియన్ వరకు చేరే అవకాశం ఉంది. ఇక దీర్ఘకాల ప్రోత్సాహకాలుగా $26 మిలియన్ విలువైన ఈక్విటీ కూడా ఇవ్వనున్నారు.

వివరాలు

ప్రపంచవ్యాప్తంగా సుమారు 30,000 మంది ఉద్యోగులను తొలగించిన ఒరాకిల్

అందులో $20.8 మిలియన్ నాలుగేళ్లలో విడతల వారీగా, మిగతా $5.2 మిలియన్ పనితీరు లక్ష్యాల ఆధారంగా లభిస్తుంది. అదనంగా, నివాస మార్పిడి ఖర్చుల కోసం $2.5 లక్షల వరకు కంపెనీ భరిస్తుంది. మాక్సన్ April 6, 2026 నుంచి CFOగా బాధ్యతలు స్వీకరించి, CEO Safra Catzకు రిపోర్ట్ చేస్తారు. క్లౌడ్ ఇన్‌ఫ్రాస్ట్రక్చర్, AI సేవలకు డిమాండ్ పెరుగుతున్న సమయంలో గ్లోబల్ ఫైనాన్స్ కార్యకలాపాలను ఆమె పర్యవేక్షించనున్నారు. అయితే ఈ నియామకం పెద్ద ఎత్తున ఉద్యోగాల కోతల నేపథ్యంలో రావడం గమనార్హం. ఇటీవల ఒరాకిల్ ప్రపంచవ్యాప్తంగా సుమారు 30,000 మంది ఉద్యోగులను తొలగించగా, అందులో భారతదేశంలోనే దాదాపు 12,000 మంది ఉన్నట్లు సమాచారం.

వివరాలు

ఉద్యోగులను తగ్గిస్తూనే, మరోవైపు కీలక నాయకత్వ నియామకాలు

ఖర్చులను తగ్గిస్తూ, క్లౌడ్, AI రంగాల్లో మరింత దృష్టి పెట్టడానికి ఈ చర్యలు తీసుకున్నట్లు కంపెనీ చెబుతోంది. టెక్ రంగంలో ప్రస్తుతం ఇదే ట్రెండ్ కనిపిస్తోంది. ఒకవైపు ఉద్యోగులను తగ్గిస్తూనే, మరోవైపు కీలక నాయకత్వ నియామకాలు, అధిక పెట్టుబడులు కొనసాగుతున్నాయి. ఒరాకిల్ నిర్ణయం కూడా అదే దిశలో తీసుకున్నదిగా భావిస్తున్నారు.