Post Office: పోస్టాఫీస్ RD సూపర్ స్కీమ్.. రోజుకు రూ.370 సేవ్ చేస్తే రూ.8 లక్షలు మీవే!

వ్రాసిన వారు Jayachandra Akuri

Feb 21, 2026

02:55 pm

ఈ వార్తాకథనం ఏంటి

నేటి పరిస్థితుల్లో స్టాక్ మార్కెట్, మ్యూచువల్ ఫండ్స్ వంటి పెట్టుబడుల్లో అధిక రిస్క్ ఉంటుందని భావించే వారికి పోస్టాఫీస్ పథకాలు విశ్వసనీయ ప్రత్యామ్నాయంగా నిలుస్తున్నాయి. ముఖ్యంగా మధ్యతరగతి కుటుంబాలు, వేతన జీవులు తమ భవిష్యత్ అవసరాల కోసం సురక్షితంగా, క్రమబద్ధంగా డబ్బు సేవ్ చేయాలనుకుంటే పోస్టాఫీస్ రికరింగ్ డిపాజిట్ (RD) మంచి ఎంపికగా ఉంటుంది. ప్రతి నెలా నిర్ణీత మొత్తాన్ని జమ చేస్తూ వెళ్లడం ద్వారా మెచ్యూరిటీ సమయానికి గణనీయమైన మొత్తం అందుతుంది. ప్రస్తుతం ఈ పథకంలో పెట్టుబడి పెడితే ఎలా లాభం పొందవచ్చో చూద్దాం.

Details

5 ఏళ్ల కాలపరిమితి.. స్థిరమైన రాబడి

పోస్ట్ ఆఫీస్ రికరింగ్ డిపాజిట్ పథకానికి 5 సంవత్సరాల కాలపరిమితి ఉంటుంది. ఫిబ్రవరి 2026 నాటికి ప్రభుత్వం ఈ పథకంపై 6.7 శాతం వడ్డీ రేటును అందిస్తోంది. వడ్డీ ప్రతి మూడు నెలలకు ఒకసారి ఖాతాలో జమ అవుతుంది. దీంతో పెట్టుబడిదారులకు చక్రవడ్డీ ప్రయోజనం లభిస్తుంది.

Details

ప్రతి నెలా రూ.11,111 జమ చేస్తే..?

ఒక వ్యక్తి రోజుకు సుమారు రూ.370 చొప్పున, అంటే నెలకు రూ.11,111 ఈ పథకంలో జమ చేస్తే 5 ఏళ్లలో పొందే లాభం ఇలా ఉంటుంది: నెలవారీ డిపాజిట్: రూ.11,111 మొత్తం కాలం: 5 ఏళ్లు (60 నెలలు) మొత్తం జమ చేసిన మొత్తం: రూ.6,66,660 వడ్డీ రేటు: 6.7% మొత్తం వడ్డీ ఆదాయం: రూ.1,26,285.72 మెచ్యూరిటీ మొత్తం: రూ.7,92,945.72 అంటే 5 ఏళ్ల తర్వాత దాదాపు రూ.7.93 లక్షలు చేతికి అందుతాయి. ఈ మొత్తం పిల్లల ఉన్నత చదువులు, భవిష్యత్ ఖర్చులు వంటి అవసరాలకు బలమైన ఆర్థిక నిధిగా ఉపయోగపడుతుంది.

Details

ఈ పథకంలోని ముఖ్య ప్రత్యేకతలు

కేవలం రూ.100తో ఖాతా ప్రారంభించవచ్చు. గరిష్ట పెట్టుబడి పరిమితి లేదు. 12 వాయిదాలు సక్రమంగా చెల్లించిన తర్వాత ఖాతాలో ఉన్న మొత్తంలో 50% వరకు రుణం పొందే అవకాశం ఉంటుంది. ఖాతా ప్రారంభించిన 3 ఏళ్ల తర్వాత అవసరమైతే ముందుగానే క్లోజ్ చేసుకోవచ్చు. ఇది ప్రభుత్వ ఆధ్వర్యంలోని పథకం కావడంతో పెట్టుబడికి పూర్తి భద్రత ఉంటుంది.

Details

ఎవరికి అనుకూలం?

స్థిరమైన జీతం పొందే ఉద్యోగులు, చిన్న మొత్తాల్లో పొదుపు చేయాలనుకునే గృహిణులు, రిస్క్ తీసుకోవడానికి ఇష్టపడని సీనియర్ సిటిజన్లకు ఈ RD పథకం ఉత్తమ ఎంపికగా ఉంటుంది. ఆసక్తి ఉన్నవారు తమకు సమీపంలోని పోస్టాఫీస్‌ను సందర్శించి ఆధార్ కార్డు, పాన్ కార్డు, ఫోటోలు సమర్పించి సులభంగా ఖాతా ప్రారంభించవచ్చు.