Sensex: భారీ లాభాల్లో దేశీయ స్టాక్ మార్కెట్లు.. 989 పాయింట్లు పెరిగిన సెన్సెక్స్
ఈ వార్తాకథనం ఏంటి
దేశీయ స్టాక్ మార్కెట్లు గురువారం భారీ లాభాలతో ముగిశాయి. అంతర్జాతీయ మార్కెట్లో ముడి చమురు ధరలు తగ్గడం,విదేశీ సంస్థాగత మదుపర్ల పెట్టుబడులు స్థిరంగా కొనసాగడం సూచీలకు కలిసొచ్చాయి. ట్రేడింగ్ చివరి గంటలో మదుపర్లు పెద్ద ఎత్తున కొనుగోళ్లకు మొగ్గు చూపడంతో మార్కెట్లలో జోష్ కనిపించింది. దీంతో సెన్సెక్స్ 900పాయింట్లకు పైగా లాభపడింది. ముఖ్యంగా ఆటోమొబైల్, బ్యాంకింగ్, ఎఫ్ఎంసీజీ రంగాల షేర్లలో కొనుగోళ్లు సూచీల పెరుగుదలకు ప్రధానంగా దోహదపడ్డాయి. గురువారం ట్రేడింగ్ ముగిసే సమయానికి బీఎస్ఈ సెన్సెక్స్ 989.94 పాయింట్లు పెరిగి 83,021.75 వద్ద స్థిరపడింది. అదేవిధంగా ఎన్ఎస్ఈ నిఫ్టీ 286.35 పాయింట్ల లాభంతో 25,514.30 వద్ద ముగిసింది. మరోవైపు అమెరికన్ డాలర్తో పోలిస్తే భారత రూపాయి మారకం విలువ 93.29 వద్ద ముగిసింది.
వివరాలు
92.40 డాలర్ల వద్ద కొనసాగుతున్న బ్రెంట్ క్రూడ్ బ్యారెల్
సెన్సెక్స్-30 సూచీలో ఐటీ రంగానికి చెందిన ఇన్ఫోసిస్, టీసీఎస్, టెక్ మహీంద్రా, హెచ్సీఎల్ టెక్తో పాటు ఇండిగో షేర్లు మాత్రమే నష్టాలను నమోదు చేశాయి.
మిగిలిన ప్రధాన షేర్లలో ఎక్కువ భాగం లాభాల బాట పట్టాయి. ముఖ్యంగా మారుతీ సుజుకీ, మహీంద్రా అండ్ మహీంద్రా, యాక్సిస్ బ్యాంక్, హిందుస్థాన్ యునిలీవర్, బీఈఎల్, ఎస్బీఐ షేర్లలో కొనుగోళ్ల మద్దతు కనిపించింది.
ఇవి మార్కెట్ లాభాలకు ప్రధానంగా దోహదపడ్డాయి. అంతర్జాతీయ మార్కెట్లో ముడి చమురు ధరలు తగ్గుముఖం పట్టాయి.
బ్రెంట్ క్రూడ్ బ్యారెల్ ధర 92.40 డాలర్ల వద్ద కొనసాగుతోంది. మరోవైపు బంగారం ధర కూడా అంతర్జాతీయ విపణిలో ఔన్స్కు 3,730.97 డాలర్ల వద్ద ట్రేడవుతోంది.