Stock Market: స్వల్ప లాభాల్లో ముగిసిన దేశీయ స్టాక్ మార్కెట్ సూచీలు.. 23,200 ఎగువన నిఫ్టీ
ఈ వార్తాకథనం ఏంటి
దేశీయ స్టాక్ మార్కెట్ సూచీలు స్వల్ప లాభాలతో ముగిశాయి. అంతర్జాతీయ మార్కెట్ల నుండి వచ్చిన మిశ్రమ సంకేతాల మధ్య ఉదయం ఫ్లాట్‌గా ప్రారంభమైన సూచీలు, ఆటో, ఐటీ కంపెనీల షేర్ల మద్దతుతో మెరుగుపడ్డాయి.
అల్ట్రాటెక్ సిమెంట్, ఎంఅండ్‌ఎం, సన్‌ఫార్మా షేర్లు సూచీలకు బలంగా నిలిచాయి.
ఫలితంగా సూచీలు స్వల్ప లాభాల్లో ముగిశాయి. సెన్సెక్స్ 115 పాయింట్ల లాభం సాధించగా, నిఫ్టీ 50 పాయింట్లు పెరిగింది.
సెన్సెక్స్ ఉదయం 76,414.52 (మునుపటి ముగింపు 76,404.99) వద్ద ఫ్లాట్‌గా ప్రారంభమైంది.
ప్రారంభంలో కొంత ఒత్తిడిని ఎదుర్కొన్న ఈ సూచీ, ఇంట్రాడేలో 76,202.12 వద్ద కనిష్ఠాన్ని తాకింది.
ఐటీ,ఆటో రంగాల్లో మదుపరుల కొనుగోళ్లతో, సూచీ ఇంట్రాడేలో 76,743.54 వద్ద గరిష్ఠాన్ని చేరుకుంది.
వివరాలు
బంగారం ధర ఔన్సుకు 2,755 డాలర్లు
చివరికి 115 పాయింట్ల లాభంతో 76,520.38 వద్ద ముగిసింది. నిఫ్టీ 50 పాయింట్ల లాభంతో 23,205.35 వద్ద స్థిరపడింది.
సెన్సెక్స్ 30 సూచీలో అల్ట్రాటెక్ సిమెంట్, ఎంఅండ్‌ఎం, సన్‌ఫార్మా, జొమాటో, టెక్ మహీంద్రా, టాటా స్టీల్, టాటా మోటార్స్, టైటాన్, ఐటీసీ, బజాజ్ ఫైనాన్స్ షేర్లు లాభాల్లో ముగిశాయి.
అయితే కోటక్ మహీంద్రా బ్యాంక్, హెచ్‌సీఎల్ టెక్నాలజీస్, పవర్‌గ్రిడ్ కార్పొరేషన్, రిలయన్స్ ఇండస్ట్రీస్, ఎస్‌బీఐ, హెచ్‌యూఎల్ షేర్లు నష్టపోయాయి.
అంతర్జాతీయంగా బ్రెంట్ క్రూడ్ ధర బ్యారెల్‌కు 78.97 డాలర్ల వద్ద ట్రేడవుతుండగా, బంగారం ధర ఔన్సుకు 2,755 డాలర్ల వద్ద ఉంది. డాలరుతో రూపాయి మారకం విలువ రూ.86.47 వద్ద ముగిసింది.