సిలికాన్ వ్యాలీ బ్యాంక్ డిపాజిటర్లకు ఈరోజు నుండి డబ్బు యాక్సెస్ చేసుకునే సదుపాయం
ఈ వార్తాకథనం ఏంటి
సిలికాన్ వ్యాలీ బ్యాంక్ పతనం US బ్యాంకింగ్ వ్యవస్థను కుదిపేసింది. ఇప్పుడు, దాని డిపాజిటర్లు భయపడకుండా ఉండటానికి, ఫెడరల్ డిపాజిట్ ఇన్సూరెన్స్ కార్పొరేషన్ (FDIC), US ట్రెజరీ, ఫెడరల్ రిజర్వ్ కలిసి ప్రకటనను విడుదల చేశాయి. ఈరోజు నుండి డిపాజిటర్లు తమ నిధులను యాక్సెస్ చేయచ్చని, SVB రిజల్యూషన్‌ నష్టాలను పన్ను చెల్లింపుదారులు భరించరని ఏజెన్సీలు తెలిపాయి.
శాంటా క్లారా, కాలిఫోర్నియాకు చెందిన SVB గురించిన నిర్ణయం బ్యాంకింగ్ వ్యవస్థపై ప్రజల విశ్వాసాన్ని బలోపేతం చేయడం ద్వారా US ఆర్థిక వ్యవస్థను కాపాడటానికి తీసుకున్న చర్యగా ప్రభుత్వ సంస్థలు పేర్కొన్నాయి. ఈ చర్య రుణాన్ని అందించడంలో బ్యాంకింగ్ వ్యవస్థకు సహాయపడుతుందని, అలాగే స్థిరమైన ఆర్థిక వృద్ధి వచ్చేలా డిపాజిట్లను కూడా కాపాడుతుందని భావిస్తున్నారు.
బ్యాంక్
బ్యాంకింగ్ వ్యవస్థపై నమ్మకంగా ఉండాలని బిడెన్ అమెరికన్లను కోరారు
బీమా చేయని డిపాజిటర్లకు సపోర్ట్ ఇవ్వడానికి జరిగిన నష్టాలను తిరిగి పొందడానికి SVB ప్రత్యేక అంచనా నిర్వహించబడుతుంది.
ఫెడరల్ రిజర్వ్ అర్హత కలిగిన డిపాజిటరీ సంస్థలకు అదనపు నిధులను అందిస్తుంది, తద్వారా డిపాజిటర్ల అవసరాలు తీరుతాయి. SVB పతనానికి కారణమైన వారిని బాధ్యులను చేస్తామని US అధ్యక్షుడు జో బిడెన్ హామీ ఇచ్చారు. బ్యాంకింగ్ వ్యవస్థపై నమ్మకంగా ఉండాలని బిడెన్ అమెరికన్లను కోరారు.
SVB 1983లో స్థాపించబడింది, దీనికి 2022 చివరి నాటికి దాదాపు $209 బిలియన్ల ఆస్తి ఉంది. USలోని అగ్రశ్రేణి 20 వాణిజ్య బ్యాంకుల్లో ఇది ఒకటి, 2008లో వాషింగ్టన్ మ్యూచువల్ తర్వాత దేశంలోనే అతిపెద్ద రుణదాత. SVB USలో దాదాపు సగం VC-సపోర్ట్ ఉన్న స్టార్టప్‌లతో వ్యాపారం చేసింది.