Stock Market: లాభాలతో ప్రారంభమైన స్టాక్ మార్కెట్ సూచీలు
ఈ వార్తాకథనం ఏంటి
స్టాక్ మార్కెట్ సూచీలు సోమవారం లాభాలతో ప్రారంభమయ్యాయి.అంతర్జాతీయ మార్కెట్ల నుంచి మిశ్రమ సంకేతాలు ఉన్నప్పటికీ, దేశీయ మార్కెట్ సూచీలు సానుకూల దిశగా కదులుతున్నాయి.
ఉదయం 9.30 గంటల సమయానికి,సెన్సెక్స్ 405 పాయింట్లు పెరిగి 77,311 వద్ద ట్రేడవుతోంది.
నిఫ్టీ 126 పాయింట్లు ఎగసి 23,472 వద్ద కొనసాగుతోంది. ప్రారంభ సమయంలో, సెన్సెక్స్ 592 పాయింట్ల లాభంతో కనిపించింది.
నిఫ్టీ సూచీలో పవర్ గ్రిడ్ కార్పొరేషన్, లార్సెన్, కొటక్ మహీంద్రా, ఎన్‌టీపీసీ, భారత్ ఎలక్ట్రానిక్స్ షేర్లు లాభాలతో ట్రేడింగ్‌ను ప్రారంభించాయి.
అయితే, ఎంఅండ్ఎం, డాక్టర్ రెడ్డీస్ ల్యాబ్స్, అల్ట్రాటెక్ సిమెంట్, టైటాన్ కంపెనీ, ట్రెంట్ షేర్లు నష్టాలలో కదులుతున్నాయి.
మార్కెట్లో స్వల్పకాలిక సెంటిమెంట్ బలంగా ఉండటం వల్ల ఈ వారం సూచీలు మద్దతుగా కనిపిస్తున్నాయి.
వివరాలు
భారత్‌పై అమెరికా టారిఫ్‌ల ప్రభావం
షేర్ల ధరలు సహేతుక స్థాయిలో ఉండటం, రూపాయి బలోపేతం కావడం వంటి అంశాలు రాబోయే రోజుల్లో కొనుగోళ్లు కొనసాగే అవకాశాలను మెరుగుపరుస్తున్నాయి.
అయితే, అమెరికా టారిఫ్‌లకు సంబంధించి ప్రతికూల వార్తలు వస్తే లాభాల స్వీకరణ జరగవచ్చని విశ్లేషకులు అంచనా వేస్తున్నారు.
భారత్‌పై అమెరికా టారిఫ్‌ల ప్రభావం కీలకంగా మారనుంది. డాలరుతో పోలిస్తే రూపాయి 12 పైసలు పెరిగి 85.86 వద్ద ట్రేడింగ్‌ను ప్రారంభించింది.