Stock Market: భారీ నష్టాల్లో ముగిసిన దేశీయ స్టాక్‌ మార్కెట్‌ సూచీలు
ఈ వార్తాకథనం ఏంటి
దేశీయ స్టాక్‌ మార్కెట్లు ఈరోజు గణనీయమైన పతనాన్ని నమోదు చేశాయి. అంతర్జాతీయ మార్కెట్లలోని ప్రతికూల సంకేతాలు, విదేశీ పెట్టుబడిదారుల విక్రయ ఒత్తిడి దేశీయ సూచీలపై ప్రతికూల ప్రభావం చూపించాయి. ముఖ్యంగా ఐటీ, మెటల్‌ రంగాల షేర్లు భారీ ఒత్తిడిని ఎదుర్కొన్నాయి. ఫలితంగా సెన్సెక్స్‌ 500 పాయింట్లకు పైగా క్షీణించగా, నిఫ్టీ 25,600 మార్క్‌ కంటే దిగువన స్థిరపడింది. రోజు ఆరంభంలో సెన్సెక్స్‌ 84,000.64 పాయింట్ల వద్ద (మునుపటి ముగింపు 83,978.49) ప్రారంభమైంది. అనంతరం ఇది ఇంట్రాడేలో 83,412.77 నుండి 84,068.01 పాయింట్ల మధ్య ఊగిసలాడింది. చివరికి 519 పాయింట్లు కోల్పోయి 83,459.15 వద్ద ముగిసింది.
వివరాలు
బ్రెంట్‌ క్రూడ్‌ ఆయిల్‌ ధర బ్యారెల్‌కు 63 డాలర్లు
నిఫ్టీ కూడా 165.70 పాయింట్లు తగ్గి 25,597.65 వద్ద స్థిరపడింది. విదేశీ మారకంలో రూపాయి విలువ డాలర్‌ గా 88.66గా ఉంది. సెన్సెక్స్‌లోని 30 ప్రధాన షేర్లలో పవర్‌ గ్రిడ్‌, ఎటెర్నల్‌, టీఎంపీవీ, టాటా స్టీల్‌, మారుతీ షేర్లు ఎక్కువ నష్టాలను చవిచూశాయి. టైటాన్‌, భారతీ ఎయిర్‌టెల్‌, బజాజ్‌ ఫైనాన్స్‌, మహీంద్రా & మహీంద్రా వంటి షేర్లు కూడా దిగువస్థాయిలో ముగిశాయి. అంతర్జాతీయ మార్కెట్లలో బ్రెంట్‌ క్రూడ్‌ ఆయిల్‌ ధర బ్యారెల్‌కు 63 డాలర్ల వద్ద కొనసాగుతుండగా, బంగారం ఔన్సు ధర 3,994 డాలర్ల వద్ద ట్రేడవుతోంది.