ల్యాప్‌టాప్‌లు, ట్యాబ్ల దిగుమతులపై కేంద్ర ప్రభుత్వం ఆంక్షలు.. కారణమిదే!
ఈ వార్తాకథనం ఏంటి
ల్యాప్‌టాప్‌లు, పర్సనల్ కంప్యూటర్లు, అల్ట్రా స్మాల్ ఫారమ్ ఫ్యాక్టర్ కంప్యూటర్ల దిగుమతులపై కేంద్ర ప్రభుత్వం ఆంక్షలను విధించింది.
తక్షణమే ఇవి అమల్లోకి వస్తాయని వాణిజ్య, పరిశ్రమల మంత్రిత్వ శాఖ గురువారం ఒక ప్రకటనలో పేర్కొంది.
అయితే దీనికి కొన్ని షరతులు వర్తిస్తాయంటూ క్లారిటీ ఇచ్చింది. సరైన అనుమతులు ఉంటే వాటిని దిగుమతి చేసేందుకు వీలు ఉంటుందని స్పష్టం చేసింది.
హెచ్ఎస్ఎన్ 8741 కింద దిగుమతి చేసుకునే ల్యాప్ టాప్‌లు, ట్యాబ్లెట్లు, వ్యక్తిగత కంప్యూటర్లపై ఆంక్షలు విధిస్తున్నామని వాణిజ్య, పరిశ్రమ శాఖ వెల్లడించింది.
ముఖ్యంగా బ్యాగేజీ రూల్స్ కింద చేసుకునే దిగుమతులకు ఈ ఆంక్షలు వర్తించవంటూ పేర్కొంది.
Details
సరైన ధ్రువపత్రాలు చూపిస్తే అనుమతి
విదేశాల్లో ల్యాప్ టాప్‌లు, ట్యాబ్‌లు కొనుగోలు చేసి కస్టమ్స్ వద్ద సరైన పత్రాలను చూపిస్తే వాటికి అనుమతి లభిస్తుందన్నారు.
ఈ కామర్స్ పోర్టర్స్ లో కొనుగోలు చేసి పోస్ట్ లేదా కొరియర్ ద్వారా దిగుమతి చేసుకొనే ల్యాప్ టాప్‌లు, ట్యాబ్‌లు కంప్యూటర్లకు ఈ ఆంక్షల నుంచి మినహాయింపు ఇస్తున్నట్లు తెలిపారు.
రీసర్చ్ అండ్ డెవలప్ మెంట్, మరమ్మతులు, బెంచ్ మార్క్, రీఎక్స్ పోర్ట్, ప్రొడక్ట్ డెవలప్ మెంట్ కోసం దిగుమతి చేసుకొనే వాటికి కూడా ఆంక్షలు వర్తించవని తెలిపింది.