Upcoming IPOs: డిసెంబర్‌ తొలి వారం ఐపీఓల సందడి.. మీషోతో పాటు 11 ఐపీఓలు, 6 ఎస్‌ఎంఈ లిస్టింగ్‌లు!
ఈ వార్తాకథనం ఏంటి
డిసెంబర్‌ మొదటి వారంలో ప్రైమరీ మార్కెట్లో భారీగా ఐపీఓల రద్దీ కనిపించనుంది. మీషో, ఏక్వస్‌, విద్యా వైర్స్‌ వంటి మూడు మెయిన్‌బోర్డ్‌ ఐపీఓలు సహా మొత్తం 11 కంపెనీలు పబ్లిక్‌ ఇష్యూలకు సిద్ధమవుతున్నాయి. వీటిలో అత్యధికంగా నిధులు సమీకరించేది ఇ-కామర్స్‌ దిగ్గజం మీషో, ఇది రూ.5,421 కోట్ల లక్ష్యంతో మార్కెట్లో అడుగుపెడుతోంది. ఇదిలా ఉంటే ఎస్‌ఎంఈ విభాగంలో మొత్తం ఆరు సంస్థలు లిస్టింగ్‌కు రావడానికి ఏర్పాట్లు చేసుకుంటున్నాయి.
Details
మీషో ఐపీఓ వివరాలు
ప్రముఖ ఇ-కామర్స్‌ సంస్థ మీషో ఐపీఓ డిసెంబర్‌ 3 నుంచి 5 వరకు సబ్‌స్క్రిప్షన్‌కు అందుబాటులో ఉంటుంది. డిసెంబర్‌ 12న షేర్లు లిస్ట్‌ కాబోతాయి. ఒక్కో షేరు ధరను రూ.105-111శ్రేణిలో నిర్ణయించారు. లాట్‌ సైజ్‌ 135 షేర్లు. ఈ ఇష్యూలో భాగంగా రూ.4,250 కోట్ల ఫ్రెష్‌ ఇష్యూ జారీ చేయగా, రూ.1,171 కోట్ల విలువైన 10.55 కోట్ల షేర్లను ఆఫర్‌ ఫర్‌ సేల్‌ (OFS) ద్వారా విక్రయిస్తారు. ఏక్వస్‌ ఐపీఓ ప్రెసిషన్‌ కాంపొనెంట్ల తయారీలో నిమగ్నమైన 'ఏక్వస్‌' తొలి పబ్లిక్‌ ఆఫర్‌ కూడా డిసెంబర్‌ 3-5 తేదీల్లో సబ్‌స్క్రిప్షన్‌కు రానుంది. ఐపీఓలో రూ.670 కోట్ల తాజా షేర్లు, అదనంగా 2.03 కోట్ల OFS షేర్లు విడుదల చేస్తున్నారు. ధరల శ్రేణి రూ.118-124గా నిర్ణయించారు.
Details
విద్యా వైర్స్‌ ఐపీఓ
విద్యావైర్స్‌ కంపెనీ రూ.300 కోట్లు సమీకరించేందుకు ఐపీఓ తెస్తోంది. ఇదీ డిసెంబర్‌ 3 నుంచి 5 వరకు అందుబాటులో ఉంటుంది. ఒక్కో షేరు ధరను రూ.48-52 రేంజ్‌లో ఫిక్స్‌ చేశారు. రిటైల్‌ ఇన్వెస్టర్ల కోసం లాట్‌ సైజ్‌ 288 షేర్లు.
Details
ఎస్‌ఎంఈ కేటగిరీ ఐపీఓలు
ఎస్‌ఎంఈ విభాగంలో ఆస్ట్రాన్‌ మల్టీగ్రెయిన్‌, ఇన్‌విక్టా డయాగ్నోస్టిక్‌, స్పెబ్‌ అదెసివ్‌, క్లియర్‌ సెక్యూర్డ్‌ సర్వీసెస్‌, రావెల్‌ కేర్‌, హెల్లోజీ హాలిడేస్‌, నియోకెమ్‌ బయో సొల్యూషన్స్‌, లగ్జరీ టైమ్స్‌ సంస్థలు ఐపీఓలకు వస్తున్నాయి. వీటి సబ్‌స్క్రిప్షన్‌ డిసెంబర్‌ 1 నుంచి 3 వరకు కొనసాగుతుంది. ఇదే విభాగంలో ఎస్‌ఎస్ఎండీ ఆగ్రోటెక్‌ ఐపీఓ డిసెంబర్‌ 2న ప్రారంభమవుతుంది. అదనంగా మదర్‌ న్యూట్రీఫుడ్స్‌, కేకే సిల్క్‌ మిల్స్‌ ఐపీఓలు డిసెంబర్‌ 3న తెరుస్తాయి. అలాగే ఎగ్జాటో టెక్నాలజీస్‌, లాజిసియల్ సొల్యూషన్స్‌, పర్పుల్‌ వేవ్‌ ఇన్ఫోకామ్‌ పబ్లిక్‌ ఇష్యూలు డిసెంబర్‌ 5న ప్రారంభం కానున్నాయి. ఈ అన్ని ఐపీఓలు వచ్చే వారం బీఎస్‌ఈ ఎస్‌ఎంఈ ఎక్స్ఛేంజ్‌లో లిస్టింగ్ కానున్నాయి.