Blinkit: రక్షా బంధన్ సందర్భంగా బ్లింకిట్ కొత్త సర్వీసులు.. విదేశాల నుంచి రాఖీలు పంపొచ్చు
ఈ వార్తాకథనం ఏంటి
రాఖీ పండగ సందర్భంగా క్విక్ కామర్స్ ప్లాట్‌ఫామ్ బ్లింకిట్ కీలక ప్రకటన చేసింది.
రక్షా బంధన్ వేళ కొత్త సేవలను తీసుకొస్తున్నట్లు వెల్లడించింది.
అంతర్జాతీయ ఆర్డర్లను స్వీకరిస్తున్నట్లు 'ఎక్స్' వేదికగా స్పష్టం చేసింది.
ఇక విదేశాల్లో ఉన్నవాళ్లు రాఖీ, బహుమతులను పంపేందుకు ఈ సర్వీసులను ప్రారంభించినట్లు ప్రకటించింది.
రాఖీ పౌర్డమి కానుకగా తన క్విక్ కామర్స్ వేదికగా ఇంటర్నేషనల్ ఆర్డర్లను స్వీకరిస్తున్నట్లు బ్లింకిట్ సహా వ్యవస్థాపకుడు, సీఈఓ అల్బీందర్ ధిండ్సా పేర్కొన్నారు.
Detailz
కేవలం 10 నిమిషాల్లోనే ఆర్డర్ డెలవరీ
విదేశాల్లో ఉన్నవాళ్లు ఇక్కడ నివసించే తోబుట్టువులకు రాఖీలను, బహుమతులను పంపొచ్చని తెలిపారు. అయితే ఈ సేవలకు కొన్ని షరతులు విధించారు.
కేవలం ఆగస్టు 19వరకే ఈ సేవలు అందుబాటులో ఉంటాయని చెప్పారు. కేవలం 10 నిమిషాల్లోనే మీ ఆర్డర్ డెలివరీ అవుతుందని బ్లింకిట్ వెల్లడించింది.
అమెరికా, కెనడా, నెథార్లాండ్స్, జర్మనీ, ఫ్రాన్స్, జపాన్ దేశాల నుంచి మాత్రమే ఆర్డర్లు చేసుకోవచ్చని షరతు విధించారు.