Loading...
Dhanush O.M Movie: ధనుష్ 'ఓం' సినిమాకు ఉదయం 6 గంటల షో.. సీఎంకు ప్రత్యేక ధన్యవాదాలు
ధనుష్ 'ఓం' సినిమాకు ఉదయం 6 గంటల షో.. సీఎంకు ప్రత్యేక ధన్యవాదాలు

Dhanush O.M Movie: ధనుష్ 'ఓం' సినిమాకు ఉదయం 6 గంటల షో.. సీఎంకు ప్రత్యేక ధన్యవాదాలు

వ్రాసిన వారు Jayachandra Akuri
Nov 18, 2026
06:13 pm

ఈ వార్తాకథనం ఏంటి

కోలీవుడ్ స్టార్ హీరో ధనుష్ నటిస్తున్న 'ఓం' (O.M) సినిమా ఈ శుక్రవారం (నవంబర్ 20) ప్రపంచవ్యాప్తంగా థియేటర్లలో విడుదల కానుంది. మమ్ముట్టి, సాయి పల్లవి, శ్రీలీల వంటి క్రేజీ కాంబినేషన్‌తో తెరకెక్కిన ఈ మూవీపై తమిళంతో పాటు తెలుగులోనూ భారీ అంచనాలు నెలకొన్నాయి. ఈ నేపథ్యంలో సినిమా విడుదలకు ఒక్కరోజు ముందు ధనుష్ తన ఎక్స్‌ ఖాతాలో షేర్ చేసిన ప్రత్యేక నోట్ సోషల్ మీడియాలో వైరల్‌గా మారింది.

వివరాలు

ఉదయం 6 గంటల షోకు అనుమతి.. ప్రభుత్వానికి ధనుష్ థ్యాంక్స్

'ఓం' సినిమా విడుదల సందర్భంగా తమిళనాడు ప్రభుత్వం తీసుకున్న నిర్ణయంపై ధనుష్ సంతోషం వ్యక్తం చేశారు.

నవంబర్ 20న విడుదల కానున్న ఈ చిత్రానికి ఉదయం 6 గంటల ప్రత్యేక షో నిర్వహించుకునేందుకు అనుమతి ఇచ్చినందుకు తమిళనాడు ప్రభుత్వానికి, ముఖ్యంగా సీఎం విజయ్‌కు మనస్ఫూర్తిగా కృతజ్ఞతలు తెలిపారు.

ఈ మేరకు తన ఎక్స్‌ పోస్టులో ప్రత్యేక నోట్‌ను పంచుకున్నారు. ఎర్లీ మార్నింగ్ షోలకు అనుమతి లభించడంతో అభిమానుల ఆనందానికి అవధుల్లేకుండా పోయాయి.

ఈ క్రమంలో ధనుష్ తన అభిమానులకు ఓ ముఖ్యమైన విజ్ఞప్తి చేశారు.

వివరాలు

ఫ్యాన్స్‌కు ధనుష్ కీలక సూచన

ఉదయం 6 గంటల షోకు వచ్చే అభిమానులంతా భద్రతా నియమాలు పాటిస్తూ బాధ్యతగా వ్యవహరించాలని ధనుష్ కోరారు.

ఇతరులకు ఎలాంటి ఇబ్బంది కలగకుండా చూసుకోవాలని సూచించారు. థియేటర్‌లో సినిమా చూసి ఆనందించడమే అసలైన వేడుక అని పేర్కొన్నారు.

ADVERTISEMENT

వివరాలు

సినీ కార్మికులకు అండగా నిలవాలని పిలుపు

ఒక సినిమా విజయవంతం కావడం వెనుక ఎన్నో విభాగాలకు చెందిన అనేక మంది కష్టం, అంకితభావం ఉంటాయని ధనుష్ గుర్తుచేశారు.

అలాంటి సినీ కార్మికులందరికీ ప్రేక్షకులు అందించే అతిపెద్ద మద్దతు థియేటర్లకు వెళ్లి సినిమాలు చూడటమేనని చెప్పారు.

మొత్తానికి విడుదలకు ముందు ధనుష్ చేసిన ఈ పోస్ట్ అభిమానుల్లో ఉత్సాహాన్ని నింపడంతో పాటు బాధ్యతగా వ్యవహరించాలనే సందేశాన్ని కూడా ఇచ్చింది.

మరి నవంబర్ 20న 'ఓం' బాక్సాఫీస్ వద్ద ఎలాంటి మ్యాజిక్ చేస్తుందో చూడాలి.

ADVERTISEMENT