Kalabhairava : ఇన్నాళ్ల ప్రేమకు ఫుల్స్టాప్.. కావ్యతో రిలేషన్ను అనౌన్స్ చేసిన కాలభైరవ
ఈ వార్తాకథనం ఏంటి
ప్రముఖ సంగీత దర్శకుడు, గాయకుడు కాలభైరవ.. నటి కావ్య కల్యాణ్రామ్తో తనకున్న అనుబంధాన్ని పంచుకుంటూ సామాజిక మాధ్యమాల్లో చేసిన పోస్ట్ ప్రస్తుతం నెట్టింట వైరల్గా మారింది. వీరిద్దరూ కొంతకాలంగా ప్రేమలో ఉన్నట్టు ఇప్పటికే ప్రచారం జరుగుతోంది. ఈ నేపథ్యంలో ఎంతోకాలంగా పరిచయం ఉన్న వీరిద్దరూ తమ ప్రయాణాన్ని జీవిత భాగస్వామ్యంగా మలచుకుంటున్న వేళ.. కాలభైరవ వ్యక్తం చేసిన మనోభావాలు సినీ ప్రియులు, అభిమానులను విపరీతంగా ఆకట్టుకుంటున్నాయి. కావ్యతో కలిసి గడిపిన ప్రతి క్షణాన్ని ప్రకృతి అందాలతో పోలుస్తూ కాలభైరవ ఎంతో కవితాత్మకంగా తన భావాలను వ్యక్తం చేశారు. నీతో గడిపే సమయం.. పచ్చని పర్వతాల మధ్య కూర్చొని జలపాతం గలగలలను చూస్తున్నంత ప్రశాంతంగా ఉంటుంది.
వివరాలు
ఒక అందమైన విహారయాత్రలా ఉంది
నీతో కలిసి ఏ చిన్న పని చేసినా, ఎప్పటికీ ముగిసిపోకూడదనుకునే ఒక అందమైన విహారయాత్రలా అనిపిస్తుంది.
చలికాలపు పొద్దున ఇష్టమైన వేడి కాఫీని ఆస్వాదిస్తే ఎంతటి సాంత్వన లభిస్తుందో.. నీతో మాట్లాడే మాటలు కూడా నా మనసుకు అంతే హాయినిస్తాయంటూ తన అనుభూతిని పంచుకున్నారు.
కాలక్రమంలో అది కేవలం ఒక ఆకర్షణ మాత్రమే కాదని గ్రహించానని పేర్కొన్నారు.
''ఈ ప్రయాణంలో నాకు ఒక విషయం స్పష్టంగా అర్థమైంది. ఈ భావనలన్నింటికీ ఉన్న ఏకైక పేరు 'ఇల్లు'. నిన్ను మొదటిసారి కలిసినప్పుడు నేనేదో కొత్త వ్యక్తిని కలిసినట్లు అనిపించలేదు.. ఎన్నాళ్ల నుంచో వెతుకుతున్న నా స్వంత గూటికి చేరుకున్న భావన కలిగింది.
వివరాలు
నెటిజన్ల నుంచి శుభాకాంక్షల వెల్లువ
ఆ క్షణం నుంచి నేను ఆ గూటిని వదిలి ఎక్కడికీ వెళ్లలేదు'' అంటూ తన మనసులోని లోతైన ప్రేమను చాటుకున్నారు. 'జీవితాంతం ఇలాగే ఒకరికొకరం అండగా, ఒకరికొకరం గూడై కలిసి ఉండబోతున్నామనే నిజాన్ని అందరితో పంచుకోవడం ఎంతో సంతోషంగా ఉందంటూ కాలభైరవ తన పోస్ట్ను ముగించారు.
సంగీత దర్శకుడిగా తనకంటూ ప్రత్యేక గుర్తింపు తెచ్చుకున్న కాలభైరవ, 'మసూద', 'బలగం' వంటి చిత్రాలతో హీరోయిన్గా మెప్పించిన కావ్య కల్యాణ్రామ్ జంట చూడముచ్చటగా ఉందంటూ పరిశ్రమలోని ప్రముఖులు, అభిమానులు వారికి శుభాకాంక్షలు తెలియజేస్తున్నారు.
ప్రేమను ఇంతటి సున్నితమైన పదాలతో, గాఢంగా వ్యక్తపరచడం కాలభైరవకే సాధ్యమంటూ నెటిజన్లు ప్రశంసలు కురిపిస్తున్నారు.