Actor Bala: మలయాళ నటుడిపై మాజీ భార్య ఫిర్యాదు.. అరెస్టు చేసిన పోలీసులు
ఈ వార్తాకథనం ఏంటి
మాలీవుడ్ కు చెందిన ప్రముఖ నటుడు బాలాను పోలీసులు సోమవారం అరెస్ట్ చేశారు.
ఆయన మాజీ భార్య అమృతా సురేశ్ ఫిర్యాదు మేరకు, సామాజిక మాధ్యమాల ద్వారా తనతోపాటు తన కుమార్తె పరువు తీస్తున్నాడన్న కారణంతో కొచ్చిలోని కడవంట్ర పోలీసులు బాలాను అదుపులోకి తీసుకున్నారు.
జువైనల్ జస్టిస్ (చిన్నారుల రక్షణ) చట్టం కింద కేసు నమోదు చేసిన పోలీసులు, ఎడపల్లిలోని బాలా ఫ్లాట్‌లో ఈ తెల్లవారుజామున ఆయనను పట్టుకుని పోలీస్ స్టేషన్‌కు తరలించారు.
అక్కడ, ఆయనను ప్రశ్నిస్తున్న పోలీసులు ఈ సాయంత్రం కోర్టులో ప్రవేశపెట్టే అవకాశం ఉంది.
బాలా తన కుమార్తెని వేధిస్తున్నాడని గతంలోనే ఆమె ఆరోపించిన విషయం తెలిసిందే.
వివరాలు
కుమార్తె ఆరోపణలపై స్పందించిన బాలా
ఈ కేసు ఎర్నాకుళం సౌత్ పోలీస్ స్టేషన్ పరిధిలోకి వచ్చే అవకాశం ఉండడంతో, అక్కడికి బదిలీ చేసే అవకాశం ఉంది.
కుమార్తె ఆరోపణలపై స్పందించిన బాలా, ఫేస్‌బుక్ లైవ్‌లో మాట్లాడుతూ తీవ్ర ఉద్వేగానికి గురై కన్నీళ్లు పెట్టుకున్నాడు.
తనకు హాని చేయాలని చిన్నప్పటి నుండి తండ్రి ప్రయత్నిస్తున్నాడన్న ఆమె ఆరోపణలను బాలా కొట్టిపడేసి, తనను తండ్రిగా గుర్తించినందుకు సంతోషంగా ఉందన్నాడు.
ఈ విషయం తన జీవితంలోనే అత్యంత బాధాకరమైనదని పేర్కొన్నాడు.
అయితే, ఈ ఆరోపణలతో అంగీకరించేది లేదని, అలాగని తనతో వాదించే ఉద్దేశం కూడా లేదని స్పష్టతనిచ్చాడు. కుమార్తెతో వాదించే తండ్రి అసలు మనిషే కాదని చెప్పుకొచ్చాడు.