Actor Bala: కోట్ల ఆస్తి కోసం 4వ పెళ్లి చేసుకున్న మలయాళ నటుడు
ఈ వార్తాకథనం ఏంటి
ఈమధ్య కాలంలో తన మాజీ భార్యతో జరిగిన వివాదం కారణంగా అరెస్ట్ అయిన మలయాళ నటుడు బాలా మళ్లీ పెళ్లి చేసుకున్నాడు.
ఎర్నాకులంలోని కలూర్ పావకులం ఆలయంలో ఈ పెళ్లి జరిగింది. బాలా తన మేనమామ కూతురు కోకిలను వివాహం చేసుకున్నాడు.
తాను మళ్ళీపెళ్లి చేసుకుంటానని బాలా ఇప్పటికే ప్రకటించాడు. ఇటీవల మీడియాతో జరిగిన ఇంటరాక్షన్‌లో, తన మళ్లీ పెళ్లి చేసుకుంటున్న విషయాన్ని అతడు వెల్లడించాడు.
పెళ్లికి సంబంధించి రూ. 250 కోట్ల విలువైన ఆస్తులను చూసుకోవాలనుకుంటున్నట్లు చెప్పాడు.
అయితే, పెళ్లికూతురు ఎవరో మాత్రం వెల్లడించలేదు. బాలా, అతని మాజీ భార్య మధ్య జరిగిన గొడవ గతంలో తీవ్రంగా చర్చకు వచ్చిన సంగతి తెలిసిందే.
వివరాలు
వివాహ జీవితానికి సంబంధించిన పోస్టులు సోషల్ మీడియాలో వైరల్
బాలా మళ్లీ పెళ్లి చేసుకున్న అనంతరం, అతని వివాహ జీవితానికి సంబంధించిన పోస్టులు సోషల్ మీడియాలో వైరల్ అవుతున్నాయి.
ఈ పోస్టుల్లో బాలా మొదటి వివాహం గురించి కొన్ని విషయాలు వెల్లడయ్యాయి.బాలా మొదటి విడాకుల గురించి హిమ నివేద్ కృష్ణ అనే యువతి కొన్ని కీలక విషయాలను పంచుకుంది.
ఈ వివాహానికి సంబంధించిన కొన్ని పత్రాలను కూడా హిమ తన పోస్టులో షేర్ చేసింది.
"బాల కుమార్ చందన సదాశివ అనే పేద కన్నడ అమ్మాయిని పెళ్లాడి, విడాకులు ఇచ్చి, ఆ పంతొమ్మిదేళ్ల అమ్మాయి(అమృత సురేష్)ని పెళ్లి చేసుకోవడం సరైనదేనా?" అని ఆమె ప్రశ్నించింది.
వివరాలు
2010లో గాయని అమృత సురేష్‌పెళ్లి
బాలా మొదటి పెళ్లికి సంబంధించిన కోర్టులో దాఖలైన పిటిషన్‌లోని కొన్ని భాగాలను ఆమె షేర్ చేసింది.
ఈ సంఘటన 2008లో జరిగిందని తెలుస్తోంది. బాలా 2010లో గాయని అమృత సురేష్‌ని పెళ్లాడాడు, 2019లో విడాకులు తీసుకున్నాడు.
తన మాజీ భార్య తన కుమార్తెను చూడకుండా అడ్డుకున్నాడని బాలా ఆరోపించాడు. ప్రస్తుతం, బాలా నాలుగో పెళ్లి హాట్ టాపిక్‌గా మారింది.