ఆదిపురుష్: న్యూయార్క్ లోని ట్రిబెకా ఫెస్టివల్ ప్రీమియర్ కోసం రెడీ
భారత ఇతిహాసమైన రామాయణాన్ని కనీవిని ఎరగని రీతిలో వెండితెర మీద ఆవిష్కరించేందుకు ఆదిపురుష్ చిత్రాన్ని ప్రేక్షకుల ముందుకు తీసుకొస్తున్నాడు హీరో ప్రభాస్. బాలీవుడ్ దర్శకుడు ఓంరౌత్ తెరకెక్కిస్తున్న ఈ చిత్రం, హిందీ సహా ప్రధాన ప్రాంతీయ భాషలన్నింటిలో విడుదలవుతోంది. తాజాగా దర్శకుడు ఓం రౌత్, ఈ సినిమాపై క్రేజీ అప్డేట్ ఇచ్చారు. ఆదిపురుష్ చిత్రానికి న్యూయార్క్ లోని ట్రిబెకా ఫిలిం ఫెస్టివల్ నుండి ఆహ్వానం అందిందని తెలియజేశాడు ఓం రౌత్. అమెరికాలోని ప్రతిష్టాత్మక ఫిలిమ్ ఫెస్టివల్ లో జూన్ 13వ తేదీన ఆదిపురుష్ చిత్రం ప్రదర్శింపబడుతుందని ట్విట్టర్ వేదికగా ఓంరౌత్ చెప్పుకొచ్చారు. దీంతో ప్రభాస్ అభిమానులు ఆనందంలో ఉన్నారు. ఆదిపురుష్ చిత్రం జూన్ 16న రిలీజ్ అవుతుంది.
