వారసుడు ఇష్యూ మహేష్ బాబు సినిమాకు రిపీట్ కానుందా?
ఈ వార్తాకథనం ఏంటి
ఈ సంక్రాంతికి రిలీజైన సినిమాల మధ్య థియేటర్ల గురించి పెద్ద ఇష్యూ జరిగిన సంగతి అందరికీ తెలిసిందే. వాల్తేరు వీరయ్య, వీరసింహారెడ్డి, వారసుడు సినిమాల మధ్య థియేటర్ల పంపకాల గురించిన చర్చ రోజూ వార్తల్లో వచ్చింది.
చివరికి ఎలాగోలా మూడు సినిమాలకు థియేటర్లు సర్దుబాటు చేసారు. సినిమాలు రిలీజ్ అయ్యాయి. ఈ థియేటర్ల పంపకం విషయంలో దిల్ రాజు పేరు ప్రముఖంగా వినిపించింది.
నిర్మాత దిల్ రాజు, సంక్రాంతి పండక్కి రిలీజ్ అయ్యే సినిమాలకు అడ్డం పడుతున్నారని కొందరు కామెంట్లు చేసారు. ప్రస్తుతం ఆ విషయం సద్దుమణిగిపోయింది.
ఐతే తాజాగా వినిపిస్తున్న కథనాల ప్రకారం, ఈసారి మహేష్ బాబు సినిమాకు పోటీగా మరో తమిళ మూవీని దిల్ రాజు తీసుకొస్తున్నారని ప్రచారం జరుగుతోంది.
మహేష్ బాబు 28వ సినిమా
రజనీకాంత్ జైలర్ సినిమా తెలుగు వెర్షన్ ని రిలీజ్ చేసే పనిలో దిల్ రాజు
త్రివిక్రమ్ దర్శకత్వంలో మహేష్ బాబు 28వ సినిమా రూపొందుతోంది. ఇటీవలే ఈ సినిమా షూటింగ్ హైదరాబాద్ లోని సారధి స్టూడియోలో మొదలైంది. పూజా హెగ్డే హీరోయిన్ గా చేస్తున్న ఈ సినిమా డిస్ట్రిబ్యూషన్ హక్కులు అమ్ముడైనట్లు సమాచారం.
మహేష్ బాబు 28వ సినిమాను ఆగస్టులో విడుదల చేయాలని చిత్రబృందం ప్లాన్ చేస్తోంది. అదే టైమ్ లో రజనీకాంత్ జైలర్ కూడా విడుదల అవుతోంది.
జైలర్ తెలుగు వెర్షన్ ని దిల్ రాజు తెలుగులో డిస్ట్రిబ్యూషన్ చేస్తున్నట్లు చెప్పుకుంటున్నారు. దాంతో మరో మారు థియేటర్ల పంపకంలో ఇబ్బందులు తలెత్తే అవకాశం ఉందని అనుకుంటున్నారు.
మరి ఈ విషయంలో ఏం జరుగుతుందో చూడాలి. జైలర్ చిత్రాన్ని నెల్సన్ దిలీప్ కుమార్ డైరెక్ట్ చేస్తున్నారు.