LOADING...
హోమ్ / వార్తలు / సినిమా వార్తలు / Akhanda 2 : అఖండ 2 ప్రీ రిలీజ్ ఈవెంట్ లొకేషన్, టైమింగ్ అవుట్.. ఎప్పుడంటే? 
Akhanda 2 : అఖండ 2 ప్రీ రిలీజ్ ఈవెంట్ లొకేషన్, టైమింగ్ అవుట్.. ఎప్పుడంటే? 
అఖండ 2 ప్రీ రిలీజ్ ఈవెంట్ లొకేషన్, టైమింగ్ అవుట్.. ఎప్పుడంటే?

Akhanda 2 : అఖండ 2 ప్రీ రిలీజ్ ఈవెంట్ లొకేషన్, టైమింగ్ అవుట్.. ఎప్పుడంటే? 

వ్రాసిన వారు Sirish Praharaju
Nov 26, 2025
12:49 pm
ఈ వార్తాకథనం ఏంటి

నందమూరి బాలకృష్ణ, బోయపాటి శ్రీను కాంబినేషన్ అంటే ఏ రేంజ్ హంగామా ఉంటుందో ప్రత్యేకంగా చెప్పాల్సిన పని లేదు ఇప్పుడు అదే పవర్‌ఫుల్ కాంబో మళ్లీ 'అఖండ 2' రూపంలో ప్రేక్షకుల ముందుకు రాబోతుంది. ఇప్పటికే విడుదలైన టీజర్, ట్రైలర్ చూసిన అభిమానుల్లో హైప్‌ పెరిగిపోయింది. ముఖ్యంగా బాలయ్య లుక్, హావభావాలు, బోయపాటి మాస్ సీన్స్ మళ్లీ థియేటర్లలో దుమ్ము రేపబోతున్నాయి. ట్రైలర్ 24 గంటల్లోనే సోషల్ మీడియాలో సెన్సేషన్‌గా మారి ట్రెండింగ్‌లో నంబర్ వన్ స్థానంలో నిలిచింది. డిసెంబర్ 5న గ్రాండ్ రిలీజ్‌కు సిద్ధంగా ఉన్న ఈ చిత్రం మాస్ ప్రేక్షకుల నుండి అద్భుతమైన స్పందన పొందుతోంది. దీంతో ప్రమోషన్స్‌కు స్పెషల్ జోరు పెంచింది టీమ్.

వివరాలు 

స్పెషల్ గెస్ట్‌గా ఐకాన్ స్టార్ అల్లు అర్జున్ 

అఖండ 2 ప్రీ-రిలీజ్ ఈవెంట్ కోసం భారీ ఏర్పాట్లు జరుగుతున్నాయి. ఈసారి ఈ వేడుకను సాధారణ కార్యక్రమంగా కాకుండా టాక్ ఆఫ్ ది టౌన్‌గా మార్చాలన్న ప్లాన్ ఉంది. ఈవెంట్ ఇండస్ట్రీ స్థాయిలోనే కాదు, రాజకీయంగా కూడా హై ప్రొఫైల్‌గా ఉండబోతోంది. సమాచారం ప్రకారం, ఈ కార్యక్రమానికి తెలంగాణ ముఖ్యమంత్రి రేవంత్ రెడ్డి ముఖ్య అతిథిగా హాజరు కావనున్నారు. అదేవిధంగా, ఐకాన్ స్టార్ అల్లు అర్జున్ కూడా స్పెషల్ గెస్ట్‌గా రావడానికి ప్లాన్ చేస్తున్నారు. అధికారిక అనౌన్స్‌మెంట్ త్వరలో రాబోతుంది.

వివరాలు 

అఖండ మాస్ ఫెస్ట్‌లా.. ఈవెంట్ 

తాజాగా ఈ ఈవెంట్ లొకేషన్, టైమింగ్ ను టీమ్ ఫైనల్‌గా లాక్ చేసింది. నవంబర్ 28న, కైతలాపూర్ గ్రౌండ్, కుకట్‌పల్లి, హైదరాబాద్‌లో సాయంత్రం 5 గంటలకు ఈ గ్రాండ్ ఈవెంట్ ప్రారంభమవుతుంది. మాస్ వాతావరణం, పెద్ద పెద్ద కటౌట్లు, లైవ్ పెర్ఫార్మెన్సులు అన్ని మిళితం అయ్యి ఈ ఈవెంట్ బాలయ్య అభిమానులకు పండగే అవుతుంది. మొత్తం మీద, అఖండ 2 ప్రీ-రిలీజ్ ఈవెంట్ మరింత హైప్ సృష్టించడానికి పూర్తి సిద్ధంగా ఉంది. అభిమానులు ఇప్పటికే సోషల్ మీడియాలో కౌంట్‌డౌన్ ప్రారంభించారు. నవంబర్ 28న కైతలాపూర్ గ్రౌండ్ పూర్తిగా రంగులతో అలంకరించబడి, అఖండ మాస్ ఫెస్ట్‌లా మారటం ఖాయం!

ట్విట్టర్ పోస్ట్ చేయండి

థమన్ చేసిన ట్వీట్