హాస్టల్ డేస్ ట్రైలర్: ఇంజనీరింగ్ స్టూడెంట్స్ ని అలరించడానికి వస్తున్న సిరీస్
ఈ వార్తాకథనం ఏంటి
థియేటర్లలో సినిమా అంటే కొన్ని లెక్కలుంటాయి. అక్కడ అన్ని విషయాలను చెప్పలేరు. అలాంటి వారికి వరంగా ఓటీటీ ఫ్లాట్ ఫామ్స్ వచ్చాయి.
ప్రస్తుతం ఓటీటీల ట్రెండ్ నడుస్తోంది. ప్రేక్షకులు బాగా ఆదిరిస్తున్నారు కూడా. మరికొద్ది రోజుల్లో అమెజాన్ ప్రైమ్ వీడియోలోకి హాస్టల్ డేస్ పేరుతో సరికొత్త ఎంటర్ టైనర్ రాబోతుంది.
తాజాగా ఈ సిరీస్ ట్రైలర్ రిలీజ్ అయ్యింది.
ట్రైలర్ లో కనిపించిన దాని ప్రకారం, ఇంజనీరింగ్ స్టూడెంట్ లైఫ్ ని ఈ సిరీస్ లో చూపించబోతున్నారని అర్థమైంది. హాస్టల్ లో ఉండి ఇంజనీరింగ్ చదువుకునే ప్రతీ స్టూడెంట్ కి ఈ సిరీస్ కనెక్ట్ అయ్యేలా ఉంది.
Details
కాలేజ్ వయసులోని ఎమోషన్స్ ని చూపించే సిరీస్
కాలేజీలో జూనియర్స్, సీనియర్స్ మధ్య కనిపించే గొడవలు, ప్రేమలు, స్నేహాలు, అల్లరి అన్నీ ఈ సిరీస్ లో ఉండబోతున్నాయని ట్రైలర్ చూపించింది.
2నిమిషాల 25సెకన్లు ఉన్న ట్రైలర్, ఆద్యంతం ఎంటర్ టైనింగ్ గా ఉంది. ఈ సిరీస్ లో అక్షయ్ లాగుసాని, దరహాస్ మాటూరు, మౌళి తనూజ్, ఐశ్వర్య హొలకాల్, అనన్య ఆకుల, జయేత్రి మకన నటిస్తున్నారు.
ది వైరల్ ఫీవర్ (టీవీఎఫ్) నిర్మిస్తున్న ఈ సిరీస్ ను ఆదిత్య మండల డైరెక్ట్ చేసారు. జులై 13 నుండి అమెజాన్ ప్రైమ్ వీడియో వేదికగా స్ట్రీమింగ్ ఉండనుందని అధికారికంగా ప్రకటన వచ్చింది.