మండు వేసవిలో జుట్టు పిలకను ఫ్యాన్ గా వాడుతున్నాడంటూ అమితాబ్ బచ్చన్ కామెంట్
బాలీవుడ్ దిగ్గజం అమితాబ్ బచ్చన్ తాజాగా పోస్ట్ చేసిన వీడియో, వైరల్ గా మారింది. మండు వేసవిలో జుట్టునే ఫ్యాన్ గా వాడేస్తున్నాడని ఒక వీడియోను పోస్ట్ చేసాడు అమితాబ్. ఆ వీడియోలో, రోడ్డు మీద నడుచుకుంటూ వెళ్తున్నాడు. ఇక్కడ విచిత్రం ఏంటంటే, పూర్తిగా గుండు తీయించుకున్న ఆ వ్యక్తి, పిలకలాగా జుట్టు ఉంచుకున్నాడు. ఆ పిలక జుట్టు పెద్దదిగా ఉండడంతో అతను అడుగేస్తున్నప్పుడల్లా పిలక ఊగుతూ గుండ్రంగా ఫ్యాన్ లాగా తిరుగుతోంది. ఈ వీడియోను షేర్ చేసి, వేడిని తట్టుకోవడానికి సొంత ఫ్యాన్ ని తీసుకెళ్తున్నాడని కామెంట్ చేసారు అమితాబ్. ఈ పోస్టుకు ఫన్నీ కామెంట్లు వస్తున్నాయి.
