Suriya - Jyotika: జ్ఞాపకాలకంటే గొప్ప అనుభవం.. స్కాట్లాండ్పై సూర్య ఎమోషనల్ నోట్
ఈ వార్తాకథనం ఏంటి
కోలీవుడ్ క్యూట్ అండ్ పాపులర్ కపుల్ సూర్య-జ్యోతిక తమ 20వ వివాహ వార్షికోత్సవాన్ని స్కాట్లాండ్ వేదికగా ఎంతో వైభవంగా జరుపుకున్నారు. సెప్టెంబర్ 17న కుటుంబ సభ్యులు, అత్యంత సన్నిహితుల సమక్షంలో ఈ స్టార్ కపుల్ మరోసారి వివాహ ప్రతిజ్ఞలు చేసుకున్న విషయం తెలిసిందే. తాజాగా ఈ అరుదైన వేడుకకు సంబంధించిన వీడియోను సూర్య సోషల్ మీడియాలో షేర్ చేశారు. అంతేకాదు.. ఈ ప్రత్యేక వేడుక కోసం స్కాట్లాండ్ను ఎందుకు ఎంచుకున్నారనే అసలు కారణాన్ని వివరిస్తూ ఓ నోట్ను కూడా పంచుకున్నారు.
వివరాలు
అభిమానులకు సూర్య కృతజ్ఞతలు
తమపై అభిమానులు కురిపిస్తున్న ప్రేమ, పాజిటివిటీకి సూర్య ముందుగా కృతజ్ఞతలు తెలిపారు.
ఈ వేడుకను విజయవంతం చేసేందుకు కష్టపడిన ప్రతి ఒక్కరికీ పేరుపేరునా ధన్యవాదాలు చెప్పారు.
ఈవెంట్ ఆర్గనైజర్ లిసా తమకు జీవితాంతం గుర్తుండిపోయే అనుభూతిని అందించారని సూర్య ప్రశంసించారు.
అలాగే బ్లెయిర్క్వాన్ కోటలో తమను రాజకుటుంబీకుల్లా చూసుకున్న రోజ్, ఆమె టీమ్కు ప్రత్యేకంగా కృతజ్ఞతలు తెలిపారు.
వివరాలు
వీడ్కోలు సమయంలో కన్నీళ్లు
స్కాట్లాండ్ నుంచి వీడ్కోలు తీసుకునే సమయంలో తాము కన్నీళ్లు పెట్టుకుంటామని అసలు ఊహించలేదని సూర్య భావోద్వేగానికి లోనయ్యారు. అక్కడి అనుభవం తమకు అంతగా ప్రత్యేకంగా, ఆత్మీయంగా మారిందని ఆయన తెలిపారు.
స్కాట్లాండ్నే ఎందుకు ఎంచుకున్నారంటే..
తమ 20వ వివాహ వార్షికోత్సవ వేడుక కోసం స్కాట్లాండ్ను ఎంచుకోవడం వెనుక బలమైన కారణం ఉందని సూర్య వెల్లడించారు.
అక్కడి పొగమంచుతో నిండిన కొండలు, సుందరమైన సరస్సులు తమ ఇద్దరి సుదీర్ఘ ప్రేమకథను అచ్చం ప్రతిబింబించాయని ఆయన పేర్కొన్నారు.
అయితే తాము స్కాట్లాండ్ నుంచి కేవలం కొన్ని అందమైన జ్ఞాపకాలను మాత్రమే తీసుకుని ఇంటికి తిరిగి రావడం లేదని సూర్య చెప్పారు.
అంతకంటే గొప్పదైన అనుభూతిని తమతో పాటు తీసుకొస్తున్నామని వెల్లడించారు.
వివరాలు
స్థానికుల ఆత్మీయతపై ప్రశంసలు
స్కాట్లాండ్లో కలిసిన ఎంతో విశాల హృదయం కలిగిన, ఆత్మీయమైన స్థానికులు తమ హృదయాలను శాశ్వతంగా గెలుచుకున్నారని సూర్య సంతోషం వ్యక్తం చేశారు.
అక్కడి ప్రజల ఆత్మీయత తమ ప్రయాణాన్ని మరింత అర్థవంతంగా మార్చిందని తెలిపారు.
ఇలా 20 ఏళ్ల వైవాహిక జీవితాన్ని గుర్తుచేసుకుంటూ సూర్య-జ్యోతిక స్కాట్లాండ్లో జరుపుకున్న ఈ ప్రత్యేక వేడుకకు సంబంధించిన వీడియో, సూర్య షేర్ చేసిన భావోద్వేగ నోట్ ప్రస్తుతం అభిమానులను ఆకట్టుకుంటున్నాయి.