అల్లు అర్జున్ పుష్ప 2 మీ ఊహలకు అందదు: లీకైన వీడియో చెబుతున్న నిజం
ఈ వార్తాకథనం ఏంటి
అల్లు అర్జున్ నటించిన పుష్ప సినిమా సృష్టించిన సెన్సేషన్ అంతా ఇంతా కాదు. పుష్ప సినిమాలోని అల్లు అర్జున్ మేనరిజం, తగ్గేదేలే అన్న డైలాగ్ జనాల్లోకి విపరీతంగా వెళ్ళిపోయాయి.
సోషల్ మీడియాలో ఎక్కడ చూసినా తగ్గేదేలే అన్న డైలాగ్ వినిపించింది. పుష్ప సినిమా భారీ హిట్ కావడంతో పుష్ప 2 సినిమాపై అంచనాలు భారీగా నెలకొన్నాయి.
తాజాగా అల్లు అర్జున్ జాతీయ ఉత్తమ నటుడిగా ఎంపిక కావడం కూడా పుష్ప 2 సినిమాపై అంచనాలను మరింత పెంచేసింది.
ప్రస్తుతం పుష్ప 2 సినిమా సెట్స్ నుండి ఒకానొక వీడియో లీక్ అయింది. వందల కొద్ది లారీలు వరుసగా పేర్చినట్టు కనిపిస్తున్న ఈ వీడియో అందరినీ ఆశ్చర్యానికి గురిచేస్తుంది.
Details
యాక్షన్ సీక్వెన్సుల కోసమే వందల కొద్దీ లారీలు
పుష్ప సినిమాలో అల్లు అర్జున్ ఎర్రచందనం స్మగ్లర్ గా కనిపించిన సంగతి తెలిసిందే. ఇప్పుడు లీక్ అయిన వీడియోలో ఎర్రచందనం మోసుకెళ్లే లారీలు వందల కొద్దీ కనిపిస్తున్నాయి.
దీంతో దర్శకుడు సుకుమార్ పుష్ప 2 సినిమాను ఎవరూ ఊహించని రీతిలో తెరకెక్కించబోతున్నాడని అందరూ అనుకుంటున్నారు.
హై వోల్టేజ్ యాక్షన్ సీక్వెన్సులు పుష్ప 2 సినిమాలో పుష్కలంగా ఉండబోతున్నాయని, ప్రస్తుతం లారీలు కనిపించిన వీడియో దానికి సంబంధించినదే అయ్యుంటుందని అంటున్నారు.
ప్రస్తుతం లారీల వీడియో ఇంటర్నెట్లో వైరల్ గా మారింది.
పుష్ప 2 సినిమాలో రష్మిక మందన్న హీరోయిన్ గా నటిస్తోంది. మలయాళం నటుడు ఫాహద్ ఫాసిల్ విలన్ గా నటిస్తున్న ఈ సినిమాకు దేవిశ్రీ ప్రసాద్ సంగీతం సమకూరుస్తున్నారు.
ట్విట్టర్ పోస్ట్ చేయండి
పుష్ప నుండి లీకైన వీడియో
#Sukumar edo gattigane plan chesthunnadu 🔥🔥#Pushpa2Thearule 💥💥💥#AlluArjun #FilmyBowl pic.twitter.com/CIkwnSuX2r
— Filmy Bowl (@FilmyBowl) September 7, 2023