Pushpa Team: పుష్ప-2 టీమ్‌కు మరో షాక్.. లాభాల్లో వాటా కోరుతూ హైకోర్టులో పిల్!
ఈ వార్తాకథనం ఏంటి
పుష్ప 2 యూనిట్ ఇప్పటికే వరుస సమస్యలు, కోర్టు కేసులతో ఇబ్బందులు ఎదుర్కొంటూ వస్తోంది.
ఇలాంటి పరిస్థితుల్లో, హైకోర్టులో మరో ప్రజా ప్రయోజన వ్యాజ్యం దాఖలైంది.
పుష్ప-2 సినిమాకు వచ్చిన లాభాల్లో జానపద కళాకారుల పింఛన్ కోసం నిధులు కేటాయించాలని లాయర్ నరసింహారావు పిటిషన్ వేశారు.
పిల్‌లో ఏం ఉందంటే?
పుష్ప-2 మూవీకి భారీ లాభాలు వచ్చాయని, ఆ లాభాలను మూవీ నిర్మాతలే స్వయంగా ప్రకటించారని నరసింహారావు కోర్టుకు వివరించారు.
ఈ లాభాలు రావడానికి తెలంగాణ ప్రభుత్వం ఇచ్చిన ప్రత్యేక అనుమతులు, టికెట్ ధరల పెంపు కీలక కారణాలని పేర్కొన్నారు.
ప్రభుత్వం సహకరించడంతో వచ్చిన లాభాల్లో జానపద కళాకారులకు వాటా దక్కాల్సిందేనని, సుప్రీంకోర్టు నిబంధనల ప్రకారం ఆ నిధులను మళ్లించాలని కోర్టును కోరారు.
Details
ఇంకా స్పందించని మూవీ టీం
ఈ లాభాల అంశం చాలా కాలంగా ముగిసినదే కాదా? అని హైకోర్టు ప్రశ్నించగా, దాని కోసమే ఇప్పుడిప్పుడే పిల్ వేస్తున్నామని నరసింహారావు సమాధానమిచ్చారు.
దీనిపై సమగ్ర సమాచారం అందించాల్సిందిగా కోర్టు ఆదేశిస్తూ, విచారణను మరో రెండు వారాలకు వాయిదా వేసింది. ఇప్పటికే పుష్ప-2 టీమ్ సంధ్య థియేటర్ ఘటనతో ఇబ్బందులు ఎదుర్కొంటోంది.
ఆ తొక్కిసలాటలో గాయపడ్డ శ్రీతేజ్ ఇంకా ఆసుపత్రిలోనే చికిత్స పొందుతున్నాడు. ఇలాంటి సమయంలో లాభాల్లో వాటా కోసమే పిల్ వేయడం, మరోసారి పుష్ప-2 టీమ్‌పై చర్చ ప్రారంభించేసింది.
ఇప్పటికి ఈ కేసుపై చిత్ర నిర్మాతలు ఎలాంటి అధికారిక ప్రకటన చేయలేదు. మరి, వారు దీనిపై ఎలా స్పందిస్తారో వేచిచూడాలి!