ఓటీటీలోనూ పొగాకు వ్యతిరేక హెచ్చరికలు ప్రదర్శించాలని వెల్లడి చేసిన కేంద్ర ఆరోగ్య శాఖ
సినిమా థియేటర్లలో సినిమా మొదలయ్యే ముందు పొగత్రాగడం ఆరోగ్యానికి హానికరం, క్యానర్ కు కారకం అనే హెచ్చరికలు కనిపిస్తుంటాయి. పొగాకు వ్యతిరేక యాడ్స్ వస్తుంటాయి. టీవీల్లోనూ ఇలాంటి యాడ్స్, హెచ్చరికలు కనిపిస్తుంటాయి. అయితే ఇలాంటి యాడ్స్, హెచ్చరికలు ఇకపై ఓటీటీ కంటెంట్ కు కూడా వర్తిస్తుందని కేంద్ర ఆరోగ్య శాఖ చేసింది. ఈ నేపథ్యంలో పొగాకు ఉత్పత్తుల నియంత్రణ చట్టం 2004కు సవరణలు చేసింది. దీని ప్రకారం ఓటీటీలో కంటెంట్ చూసేటపుడు సినిమా లేదా సిరీస్ ప్రారంభంలో 30సెకన్లు, మధ్యలో మరో 30సెకన్ల పాటు పొగాకు వ్యతిరేక హెచ్చరికల యాడ్స్ వస్తాయి.
కంటెంట్ ఉన్న భాషలోనే పొగాకు వ్యతిరేక హెచ్చరిక
ఓటీటీలో సినిమా చూస్తున్నప్పుడు పొగాకు సంబంధ సీన్లు వస్తే, ఆ సమయంలో పొగాకు వ్యతిరేక హెచ్చరిక ఖచ్చితంగా ఉండాలని కేంద్ర ఆరోగ్య శాఖ పేర్కొంది. ఏ భాషలో కంటెంట్ ఉందో అదే భాషలో పొగాకు వ్యతిరేక హెచ్చరికలు ఉండాలని సూచించింది. ఈ విషయంలో నిర్లక్ష్యం వహించి, అశ్రద్ధ చేస్తే చర్యలు తీవ్రంగా ఉంటాయని తెలియజేసింది. ప్రపంచ పొగాకు వ్యతిరేక దినోత్సవం ఈరోజే కాబట్టి, పొగాకు వల్ల కలిగే నష్టాలపై అవగాహన కలిగించడంలో భాగంగా ఓటీటీల్లోనూ పొగాకు వ్యతిరేక హెచ్చరికలు ప్రదర్శించాలని కేంద్ర ఆరోగ్య శాఖ నిర్ణయం తీసుకుంది. పొగాకు వల్ల కలిగే నష్టాలపై అవగాహన కలిగించడానికి ప్రతీ ఏడాది మే 31న ప్రపంచ పొగాకు వ్యతిరేక దినోత్సవాన్ని ప్రపంచ ఆరోగ్య సంస్థ జరుపుతోంది.