Balakrishna: బాలకృష్ణను ఆస్పత్రిలో పరామర్శించిన సీఎం చంద్రబాబు.. ఆరోగ్యంపై వైద్యుల కీలక సూచనలు
ఈ వార్తాకథనం ఏంటి
హిందూపురం ఎమ్మెల్యే, ప్రముఖ సినీ నటుడు నందమూరి బాలకృష్ణ ఇటీవల సినిమా చిత్రీకరణ సమయంలో గాయపడిన విషయం తెలిసిందే. ప్రస్తుతం హైదరాబాద్లోని ఏఐజీ (AIG) ఆస్పత్రిలో శస్త్రచికిత్స అనంతరం చికిత్స పొందుతున్న ఆయనను ఆంధ్రప్రదేశ్ ముఖ్యమంత్రి నారా చంద్రబాబు నాయుడు స్వయంగా పరామర్శించారు. అమరావతి నుంచి హైదరాబాద్కు చేరుకున్న ముఖ్యమంత్రి చంద్రబాబు నేరుగా ఏఐజీ ఆస్పత్రికి వెళ్లి బాలకృష్ణను కలిసి ఆయన ఆరోగ్య పరిస్థితిని తెలుసుకున్నారు. వైద్యులతో మాట్లాడి చికిత్స వివరాలు అడిగి తెలుసుకోవడంతో పాటు, త్వరగా కోలుకోవాలని ఆకాంక్షించారు. ఇదిలా ఉండగా, బాలకృష్ణ ఆరోగ్యం మెరుగుపడాలని సినీ దర్శకుడు గోపీచంద్ మలినేని కర్నాటకలోని కాటేరమ్మ ఆలయంలో ప్రత్యేక పూజలు నిర్వహించారు.
వివరాలు
బాలకృష్ణ స్టైలిష్ లుక్..
18 మంది వేద పండితుల ఆధ్వర్యంలో మహాయాగం, ధన్వంతరి హోమం నిర్వహించి బాలయ్య త్వరగా సంపూర్ణ ఆరోగ్యంతో కోలుకోవాలని ప్రార్థనలు చేశారు.
ఈ ఆధ్యాత్మిక కార్యక్రమంలో గోపీచంద్ మలినేనితో పాటు నందమూరి అభిమానులు, సినీ పరిశ్రమకు చెందిన పలువురు కూడా పాల్గొన్నారు.
ప్రస్తుతం గోపీచంద్ మలినేని దర్శకత్వంలో రూపొందుతున్న యాక్షన్ ఎంటర్టైనర్లో బాలకృష్ణ కథానాయకుడిగా నటిస్తున్నారు.
ఈ చిత్రంలో కాజల్ అగర్వాల్ కథానాయికగా నటిస్తుండగా, రాక్స్టార్ మంచు మనోజ్ కీలక పాత్రలో కనిపించనున్నారు.
ఇప్పటికే విడుదలైన గ్లింప్స్ ప్రేక్షకులతో పాటు బాలయ్య అభిమానులను విశేషంగా ఆకట్టుకుంది.
అందులో బాలకృష్ణ స్టైలిష్ లుక్ ప్రత్యేక ఆకర్షణగా నిలిచింది.
వివరాలు
మరో వారం రోజుల పాటు విశ్రాంతి..
ఎన్బీకే 111 (వర్కింగ్ టైటిల్) పేరుతో తెరకెక్కుతున్న ఈ సినిమా షూటింగ్ సందర్భంగా మంచు మనోజ్తో యాక్షన్ సన్నివేశం చిత్రీకరిస్తుండగా బాలకృష్ణకు ప్రమాదం జరిగింది.
ఫైట్ సీన్లో బ్యాలెన్స్ కోల్పోయి కిందపడటంతో ఆయన గాయపడ్డారు.
వెంటనే చిత్రీకరణను నిలిపివేసిన దర్శకుడు గోపీచంద్ మలినేని బాలకృష్ణను సమీప ఆస్పత్రికి తరలించగా, అనంతరం హైదరాబాద్లోని ఏఐజీ ఆస్పత్రికి తీసుకువచ్చి చికిత్స అందించారు.
ఇటీవల బాలకృష్ణకు విజయవంతంగా శస్త్రచికిత్స నిర్వహించిన వైద్యులు ప్రస్తుతం ఆయన ఆరోగ్యం నిలకడగా ఉందని తెలిపారు.
పూర్తిస్థాయిలో కోలుకునేందుకు కనీసం మరో వారం రోజుల పాటు విశ్రాంతి తీసుకోవాలని సూచించినట్లు సమాచారం.
ట్విట్టర్ పోస్ట్ చేయండి
వైరల్ అవుతున్న పోస్ట్ ఇదే..
ఇటీవల సినిమా షూటింగ్లో గాయపడి హైదరాబాద్లోని ఏఐజీ ఆసుపత్రిలో చికిత్స పొందుతున్న ప్రముఖ సినీనటుడు, ఎమ్మెల్యే శ్రీ నందమూరి బాలకృష్ణ ను గౌరవ ముఖ్యమంత్రి శ్రీ నారా చంద్రబాబు నాయుడు నేడు పరామర్శించారు. pic.twitter.com/aZQ3FpIJIY
— CMO Andhra Pradesh (@AndhraPradeshCM) July 26, 2026