అల్లు అర్జున్ సరసన ఆర్టీఫీషియల్ ఇంటెలిజెన్స్ హీరోయిన్?
ఈ వార్తాకథనం ఏంటి
ఐకాన్ స్టార్ అల్లు అర్జున్ ప్రస్తుతం పుష్ప 2 పనుల్లో బిజీగా ఉన్నారు. పుష్ప 2 పూర్తవగానే త్రివిక్రమ్ దర్శకత్వంలో సినిమా ఒప్పుకున్నారు అల్లు అర్జున్.
తాజాగా వినిపిస్తున్న సమాచారం ప్రకారం, అల్లు అర్జున్, త్రివిక్రమ్ కాంబో మూవీలో ఆర్టీఫీషియల్ ఇంటెలిజెన్స్ హీరోయిన్ కనిపించనుందని అంటున్నారు.
ఆర్టీఫీషియల్ ఇంటెలిజెన్స్ సాయంతో తయారు చేసిన హీరోయిన్ ని అల్లు అర్జున్ సరసన నటింపజేయాలని మేకర్స్ అనుకుంటున్నట్లు వార్తలు వస్తున్నాయి.
ఈ వార్తల్లో ఎంత నిజముందనేది ఇంకా క్లారిటీ లేదు. అధికారిక సమాచారం వస్తేనే అసలు విషయం తెలుస్తుంది.
ఒకవేళ ఆర్టీఫీషియల్ ఇంటెలిజెన్స్ హీరోయిన్ కి సంబంధించిన వార్తలు నిజమే అయితే భవిష్యత్తుల్లో నటీనటులకు ఇబ్బంది తప్పదు.
Details
ఆల్రెడీ ఏఐ యాంకర్లు
ఆర్టీఫీషియల్ ఇంటెలిజెన్స్ అనేది మానవ జీవితంలో పెను మార్పులను తీసుకురాబోతుందని నిపుణులు చెబుతున్నారు. మీడియా రంగంలో ఆర్టీఫీషియల్ ఇంటెలిజెన్స్ ప్రభావం ఎక్కువగా ఉండనుందని సమాచారం.
ఇప్పటికే ఆర్టీఫీషియల్ ఇంటెలిజెన్స్ సాయంతో న్యూస్ యాంకర్లను సృష్టిస్తున్న సంగతి తెలిసిందే. ఇప్పుడు హీరోయిన్లను కూడా సృష్టించనున్నారనేది అర్థమవుతోంది.
భవిష్యత్తులో అసలు యాక్టర్లు అవసరం లేకుండా ఆర్టీఫీషియల్ ఇంటెలిజెన్స్ సాయంతో పూర్తి సినిమాను తెరకెక్కించే అవకాశాలు ఉంటాయనడంలో ఆశ్చర్యం లేదు.
అదలా ఉంచితే, మాటల మాంత్రికుడు త్రివిక్రమ్ ప్రస్తుతం మహేష్ బాబు హీరోగా గుంటూరు కారం సినిమాను తెరకెక్కిస్తున్నాడు. గుంటూరు కారం చిత్రీకరణ పూర్తి కాగానే అల్లు అర్జున్ తో సినిమా మొదలవుతుంది.