Vishwambhara: చిరంజీవి విశ్వంభరలో ఆశికా రంగనాథ్
మెగాస్టార్ చిరంజీవి హీరోగా మల్లిడి వశిష్ఠ దర్శకత్వంలో రూపొందుతున్న సినిమా 'విశ్వంభర'. పాన్ ఇండియా స్థాయిలో వ‌స్తున్న ఈ సినిమాను యూవీ క్రియేషన్స్ నిర్మిస్తుండగా.. హీరోయిన్ త్రిష దాదాపు 18 ఏళ్ల తర్వాత చిరంజీవితో కలిసి న‌టిస్తున్నారు. అమిగోస్‌లో నందమూరి కళ్యాణ్ రామ్‌తో కలిసి టాలీవుడ్‌లోకి అడుగుపెట్టిన కన్నడ నటి ఆషికా రంగనాథ్, ఆ తర్వాత నాగార్జున నటించిన నా సామి రంగలో కూడా నటించింది. ఇటీవలే కన్నడ థ్రిల్లర్ O2లో కనిపించిన ఆషిక, తాను మెగాస్టార్ చిరంజీవి నటిస్తున్న సోషియో-ఫాంటసీ చిత్రం విశ్వంభరలో భాగం కానున్నట్లు ఓ ఇంటర్వ్యూలో చెప్పుకొచ్చింది. ఇప్పుడు మేకర్స్ఈ విషయాన్నీ అఫీషియల్ గా ప్రకటించారు. ఇక చిత్రాన్ని 2025 సంక్రాంతికి విడుదల చేసేందుకు నిర్మాతలు ప్లాన్ చేస్తున్నారు.
