War 2: హృతిక్, ఎన్టీఆర్ 'వార్ 2'.. దర్శకుడు అయాన్ ముఖర్జీ మొదటి పోస్ట్.. ప్రేక్షకుల్లో పెరుగుతున్న ఆసక్తి
ఈ వార్తాకథనం ఏంటి
ప్రేక్షకుల్లో భారీగా అంచనాలు పెంచిన చిత్రాల్లో "వార్ 2" ఒకటి. హృతిక్ రోషన్, జూనియర్ ఎన్టీఆర్ ప్రధాన పాత్రల్లో నటిస్తున్న ఈ యాక్షన్ థ్రిల్లర్‌కు అయాన్ ముఖర్జీ దర్శకత్వం వహిస్తున్నారు.
ఈ చిత్రం 2025 ఆగస్టు 14న విడుదల కానుందని ఇప్పటికే అధికారికంగా ప్రకటించారు.
తాజాగా ఈ సినిమాపై దర్శకుడు అయాన్ ముఖర్జీ తన మొదటి సోషల్ మీడియా పోస్ట్‌ను షేర్ చేశారు.
ఇందులో ఆయన సినిమాతో ఉన్న అనుబంధాన్ని, ప్రయాణాన్ని గురించి వివరించారు.
వివరాలు
స్క్రిప్ట్ వినగానే నేను ఆశ్చర్యపోయాను: అయాన్
''ఇంకొన్ని వారాల్లో మా సినిమా ప్రేక్షకుల ముందుకు రానుంది. అందుకే ఇది మీతో కొన్ని ఆసక్తికర విషయాలు పంచుకునేందుకు సరైన సమయమని భావిస్తున్నాను. ఈ చిత్రానికి నన్ను ఆకర్షించిన ప్రేరణ గురించి చెప్పాలనిపిస్తోంది. స్క్రిప్ట్ వినగానే నేను ఆశ్చర్యపోయాను. అదే ఈ ప్రాజెక్ట్‌ను చేయడానికి ప్రధాన ప్రేరణగా మారింది. చిత్రాన్ని రూపొందించే ప్రక్రియలో అనేక సవాళ్లను ఎదుర్కొన్నాను. ఈ కథను ప్రేక్షకులు తెలుసుకోవాలని నా మనస్ఫూర్తిగా కోరుకుంటున్నాను'' అని అయాన్ తెలిపారు.
ఇక, కథానాయిక కియారా అద్వాణీ గురించి ఆయన ప్రత్యేకంగా పేర్కొన్నారు. '
వివరాలు
హృతిక్, ఎన్టీఆర్ తో పనిచేసే అవకాశం నాకు దక్కడం సంతోషం
'నా స్నేహితురాలు కియారా అద్వాణీ ఈ చిత్రంలో అద్భుతంగా నటించింది. ఆమె ప్రదర్శనను మీరు తప్పక ఆస్వాదిస్తారు'' అన్నారు.
అలాగే, ఈ రెండు సంవత్సరాల కాలంలో నిర్మాత ఆదిత్య చోప్రా వద్ద నుండి అనేక విషయాలు నేర్చుకున్నానని అన్నారు.
''హృతిక్, ఎన్టీఆర్‌లతో కలిసి పనిచేసే అవకాశం నాకు దక్కడం ఎంతో సంతోషంగా ఉంది.
వారిద్దరూ తమ తమ పనితీరు ద్వారా ఈ చిత్రాన్ని మరో స్థాయికి తీసుకెళ్తారని నమ్మకం ఉంది'' అంటూ అయాన్ ముఖర్జీ తన భావాలను తెలియజేశారు.