బేబి నిర్మాత లైనప్: నలుగురు దర్శకులతో నాలుగు సినిమాలను ప్లాన్ చేసిన నిర్మాత ఎస్కేఎన్
ఈ వార్తాకథనం ఏంటి
ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రల్లో రూపొందిన బేబి చిత్రం తెలుగు ప్రేక్షకులను విపరీతంగా ఆకట్టుకుంది. చిన్న సినిమాగా విడుదలైన బేబీ చిత్రానికి 50 కోట్లకు పైగా కలెక్షన్లు వచ్చాయి. సాయి రాజేష్ దర్శకత్వంలో తెరకెక్కిన బేబీ చిత్రాన్ని మాస్ మూవీ మేకర్స్ బ్యానర్ పై నిర్మాత ఎస్కేఎన్ నిర్మించారు. ఈ సినిమాతో నిర్మాతకు బాగా పేరొచ్చింది. బేబీ సినిమా తర్వాత ఎస్కేఎన్ తన భవిష్యత్తు సినిమాలపై పెదవి విప్పారు. ప్రస్తుతం నిర్మాత ఎస్కేఎన్ నాలుగు సినిమాలను లైన్లో పెట్టారట.
Details
బేబి సినిమా దర్శకుడు సాయిరాజేష్ తో మరొక సినిమా
బేబి సినిమా దర్శకుడు సాయి రాజేష్ తో మరొక సినిమాను నిర్మించేందుకు ఎస్కేఎన్ సిద్ధమవుతున్నారట. అలాగే జాతీయ అవార్డు అందుకున్న కలర్ ఫోటో చిత్రాన్ని తెరకెక్కించిన దర్శకుడు సందీప్ రాజ్ తో మరో సినిమాను ప్లాన్ చేస్తున్నారట. ఇంకా సుమన్ పాతూరి, రవి నంబూరి దర్శకులతో మరొక రెండు సినిమాలను నిర్మించే పనిలో ఎస్కేఎన్ ఉన్నారట. ఈ నలుగురు దర్శకులతో ఎస్కేఎన్ దిగిన ఫోటో ప్రస్తుతం ఇంటర్నెట్లో వైరల్ అవుతుంది. మరి ఈ నాలుగు సినిమాల్లో ఎవరి సినిమా ముందుగా రూపొందుతుందనేది ఇంకా తెలియదు.