బేబీ రివ్యూ: వెండితెర మీద ట్రయాంగిల్ లవ్ స్టోరీకి ఎలాంటి రెస్పాన్స్ వస్తుందంటే?
ఈ వార్తాకథనం ఏంటి
నటీనటులు: ఆనంద్ దేవరకొండ, వైష్ణవి చైతన్య, విరాజ్ అశ్విన్, నాగబాబు తదితరులు
దర్శకుడు: సాయి రాజేష్
సంగీతం: విజయ్ బుల్గానిన్
నిర్మాత: ఎస్ కే ఎన్
కథ:
బస్తీ కుర్రాడు ఆనంద్(ఆనంద్ దేవరకొండ), తన ఇంటి ముందు ఉండే వైష్ణవిని(వైష్ణవి చైతన్య), ప్రేమిస్తాడు. వైష్ణవి కూడా ఆనంద్ ని ఇష్టపడుతుంది. వీరిద్దరూ పదవ తరగతి వరకూ క్లాస్ మేట్స్. పదవ తరగతి ఫెయిల్ కావడంతో ఆటో నడుపుతాడు ఆనంద్.
వైష్ణవి మాత్రం ఇంజనీరింగ్ జాయిన్ అవుతుంది. అక్కడ విరాజ్(విరాజ్ అశ్విన్) పరిచయమవుతాడు. అతడు కూడా వైష్ణవిని ప్రేమిస్తాడు. వీళ్ళిద్దరూ ఒకసారి పబ్ లో రొమాన్స్ చేసుకుంటారు. ఆ విషయం ఆనంద్ కు తెలిసిందా లేదా అసలేం జరిగిందన్నదే కథ.
Details
వైష్ణవి చైతన్య చుట్టూ తిరిగే కథ
ఈ సినిమా చూస్తున్నంత సేపు మనకు తెలిసిన కథలు తెరమీద కనిపించినట్టుగా అనిపిస్తుంది. ప్రేమ పేరుతో టీనేజర్ల చేష్టలు, ఒకేటైమ్ లో ఇద్దరితో రిలేషన్ లో ఉంటూ వాళ్ళు పడే ఇబ్బందులు కనిపిస్తాయి.
ఈ సినిమాకు ప్రధాన బలం మాటలు, సంగీతం, నటీనటుల పర్ఫార్మెన్స్. కొన్ని మాటలు గుండెల మీద కొట్టినట్టుగా ఉంటాయి. స్కూల్ డేస్ ప్రేమ సమయంలో వినిపించే పాటలు బాగున్నాయి.
హీరోయిన్ చేత బూతు మాట మాట్లాడించడం ఫ్యామిలీ ఆడియన్స్ ని ఇబ్బంది పెడుతుంది.
ఆనంద్ చాలా బాగా చేసాడు. ఈ సినిమా మొత్తం వైష్ణవి చైతన్యదే అని చెప్పాలి. సినిమా కథ మొత్తం ఆమె చుట్టునే తిరుగుతుంది.
చివరగా, మంచి సినిమా చూసిన ఫీలింగ్ తో బయటకు వస్తారు.