అభిమాని పుట్టినరోజును సెలెబ్రేట్ చేసిన బాలయ్య: ఇంటర్నెట్ లో ఫోటోలు వైరల్
నందమూరి బాలకృష్ణ దంపతులు ప్రస్తుతం అమెరికాలోని ఫిలడెల్ఫియాలో ఉన్నారు. తానా సభలకు వెళ్ళిన బాలయ్య, అక్కడ లేడీ ఫ్యాన్ బర్త్ డేను ఘనంగా సెలెబ్రేట్ చేసారు. తానా సభల్లో ఉన్న బాలకృష్ణ దగ్గరికి వచ్చిన ఒక అభిమాని, సెల్ఫీ తీసుకుంది. అలాగే ఆరోజు తన పుట్టినరోజు అని చెప్పింది. దాంతో వెంటనే, కేక్ తెప్పించి కట్ చేయించారు బాలయ్య. ప్రస్తుతం ఈ ఫోటోలు, వీడియోలు ఇంటర్నెట్ లో వైరల్ గా మారుతున్నాయి. బాలయ్యకు అభిమానులంటే ఎంతిష్టమో ఈ సంఘటన తెలియజేస్తుందని ఇంటర్నెట్ లో కామెంట్లు పెడుతున్నారు. అంతేకాదు, బాలయ్యకు నచ్చితే ఏదైనా చేసేస్తారనీ, బాలయ్య మనసు బంగారం అని పొగడ్తలు కురిపిస్తున్నారు.
