ఛత్రపతి ట్రైలర్: నో డైలాగ్స్, ఓన్లీ యాక్షన్
ఈ వార్తాకథనం ఏంటి
బెల్లంకొండ సాయి శ్రీనివాస్ హీరోగా తెరకెక్కిన హిందీ చిత్రం ఛత్రపతి ట్రైలర్ ఈరోజు విడుదలైంది. ఈ సినిమాతో బాలీవుడ్ కు పరిచయం అవుతున్నాడు బెల్లంకొండ శ్రీనివాస్.
వివి వినాయక్ దర్శకత్వం వహించిన ఈ సినిమాలో, యాక్షన్ సీన్లు ఎక్కువగా ఉన్నట్లు ట్రైలర్ లో అర్థమవుతోంది.
ట్రైలర్ మొత్తాన్ని యాక్షన్ సీన్లతో నింపేసారు. తెలుగు సినిమా ఛత్రపతికి హిందీ రీమేక్ గా ఈ మూవీ తెరకెక్కుతోంది. ట్రైలర్ చూస్తుంటే, హిందీ రీమేక్ లో పెద్దగా మార్పులేమీ చేయలేదని అర్థమవుతోంది.
కాకపోతే ఒరిజినల్ ఛత్రపతి సినిమాలో శ్రీలంక నుండి పారిపోయి వచ్చినట్లుగా చూపిస్తారు. ఇందులో మాత్రం పాకిస్తాన్ ప్రాంతాన్ని ఎంచుకున్నట్లు అర్థమవుతోంది.
Details
యాక్షన్ డోస్ మరీ ఎక్కువ
ఛత్రపతి సినిమాలోని కీలక ఫైట్ సీన్లను అదే రకంగా తెరకెక్కించినట్లు ట్రైలర్ లో కనిపించింది. దాదాపు రెండు నిమిషాల ట్రైలర్ ని యాక్షన్ సీన్లతో నింపేసారు.
ఆల్ మోస్ట్ రాజమౌళి దారిలోనే వివి వినాయక్ నడిచినట్టుగా అనిపిస్తోంది. ఒరిజినల్ సినిమాకు రీమేక్ సినిమాకు పెద్దగా మార్పులేమీ లేనట్లుగా తోస్తోంది.
కాకపోతే ఛత్రపతి సినిమాలో కంటే ఈ సినిమాలో యాక్షన్ డోస్ మరింత ఎక్కువే ఉన్నట్టు అనిపిస్తోంది.
నుస్రత్ బరూచా హీరోయిన్ గా కనిపిస్తున్న ఈ సినిమాను పెన్ స్టూడియోస్ బ్యానర్ లో జయంతి లాల్ గడా నిర్మిస్తున్నారు. మే 12వ తేదీన ఈ సినిమా విడుదల అవుతుంది.