రష్మిక మందన్నతో లవ్ ఎఫైర్ వార్తలపై రెస్పాండ్ అయిన బెల్లంకొండ శ్రీనివాస్
ఈ వార్తాకథనం ఏంటి
సినిమా ఇండస్ట్రీకి చెందిన వారి మీద పుకార్లు సహజం. రెండు మూడు సినిమాల్లో కలిసి నటిస్తే వారిద్దరి మధ్యలో ఏదో ఉందని పుకార్లు వస్తుంటాయి.
అయితే సినిమాల్లో కలిసి నటించనప్పటికీ కొన్నిసార్లు రూమర్లు వినిపిస్తుంటాయి. ఆ కోవలోకే చెందుతారు బెల్లంకొండ శ్రీనివాస్, రష్మిక మందన్న. వీరిద్దరూ ఇప్పటివరకు ఒక్క సినిమాకు కూడా కలిసి పనిచేయలేదు.
తాజాగా వీళ్ళిద్దరి మధ్య ఏదో బంధం ఉందని వార్తలు వచ్చాయి. దానికి కారణం వీరిద్దరూ ఎయిర్ పోర్టుల్లో కలిసి కనిపించడమే.
తాజాగా ఛత్రపతి సినిమా ప్రమోషన్లలో పాల్గొన్న బెల్లంకొండ శ్రీనివాస్, ఈ విషయమై క్లారిటీ ఇచ్చాడు.
Details
షూటింగుల కోసం ముంబై ప్రయాణం
ఛత్రపతి షూటింగ్ కోసం రెగ్యులర్ గా ముంబై వచ్చానని, రష్మిక కూడా తన షూటింగుల కోసం ముంబై వచ్చిందనీ, ఆ విధంగా ఎయిర్ పోర్టులో రెండు మూడు సార్లు కనిపించిందనీ, కలిసి ప్రయాణం కూడా చేయలేదని చెప్పుకొచ్చాడు బెల్లంకొండ శ్రీనివాస్.
మొత్తానికి బెల్లంకొండ శ్రీనివాస్, రష్మిక మందన్న లు డేటింగ్ లో ఉన్నారనే వార్తలకు ఫుల్ స్టాప్ పడినట్లే.
అదలా ఉంచితే, ఛత్రపతి సినిమాతో హిందీలో పరిచయం అవుతున్నాడు బెల్లంకొండ శ్రీనివాస్. వీవీ వినాయక్ దర్శకత్వం వహించిన ఈ సినిమాలో, నుస్రత్ బరూచా హీరోయిన్ గా కనిపిస్తోంది.
పెన్ మూవీస్ బ్యానర్ లో రూపొందిన ఈ సినిమా మే 5వ తేదీన థియేటర్లలోకి వస్తోంది.