భోళాశంకర్ కు భారీగా డిమాండ్: థియేట్రికల్ బిజినెస్ డీల్స్ అదిరిపోతున్నాయ్
మెగాస్టార్ చిరంజీవి నటిస్తున్న భోళాశంకర్ సినిమా నుండి ఇటీవల భోళా మానియా అనే పాట రిలీజ్ అయ్యింది. ఈ పాటకు ప్రేక్షకుల నుండి మంచి రెస్పాన్స్ వచ్చింది. మణిశర్మ కొడుకు మహతి స్వర సాగర్ అందించిన సంగీతం అందరికీ నచ్చింది. అయితే ఈ పాటలో భోళా మానియా మాటకు తగినట్లుగానే ప్రస్తుతం భోళా మానియా మొదలైందని అంటున్నారు. అవును, భోళాశంకర్ థియేట్రికల్ బిజినెస్ పూర్తయినట్లు సమాచారం. ఈ డీల్స్ కోట్లలో జరిగాయని తెలుస్తోంది. వాల్తేరు వీరయ్య తర్వాత చిరంజీవి మార్కెట్ మరింత పెరిగిందనీ, ఆ కారణంగానే భోళాశంకర్ థియేట్రికల్ బిజినెస్ బాగా జరిగిందని చెప్పుకుంటున్నారు.
రెండు రాష్ట్రాల్లో 80కోట్ల బిజినెస్ డీల్స్
భోళాశంకర్ నైజాం థియేట్రికల్ బిజినెస్ డీల్స్ 25-27కోట్ల మధ్య పలికిందనీ, సీడెడ్ డీల్స్ 15కోట్లకు అమ్ముడయ్యాయని, అలాగే ఆంధ్ర బిజినెస్ డీల్స్ 40కోట్లకు అమ్ముడయ్యాయని అంటున్నారు. ఈ లెక్కన మొత్తం రెండు తెలుగు రాష్ట్రాల్లో 80కోట్ల బిజినెస్ డీల్స్ పూర్తి చేసుకుంది భోళాశంకర్. ఖైదీ నంబర్ 150 తర్వాత ఈ రేంజ్ లో థియేట్రికల్ బిజినెస్ డీల్స్ జరగడం ఇదే మొదటిసారని వినిపిస్తోంది. భోళాశంకర్ సినిమాను దర్శకుడు మెహెర్ రమేష్ తెరకెక్కిస్తున్నారు. వెంకటేష్ తో షాడో తర్వాత మెహెర్ రమేష్ దర్శకత్వం చేస్తున్న సినిమా ఇదే. తమిళంలో విజయం అందుకున్న వేదాళం సినిమాకు రీమేక్ గా బోళాశంకర్ రూపొందుతోంది. ఈ సినిమాలో తమన్నా, కీర్తి సురేష్ నటిస్తున్నారు.
