Pallavi Prashanth : బిగ్'బాస్'గా అవతరించిన రైతు బిడ్డ పల్లవి ప్రశాంత్.. ఏమేం గెల్చుకున్నాడో తెలుసా
తెలుగు బిగ్ బాస్ 7 షో పూర్తయింది. 15 వారాలుగా కొనసాగిన ఈ రియాల్టీ షో ఆదివారం రాత్రి ముగిసింది. ఈ మేరకు 14 మందితో మొదలైన బిగ్‌బాస్ సీజన్ 7'లో మధ్యలోనే కొంతమంది ఎలిమినేట్ అయ్యారు. తర్వాత మరో అయిదుగురిని వైల్డ్ కార్డు ఎంట్రీ ద్వారా తీసుకొచ్చారు. ఒక్కో వారం ఒక్కొక్కరిని ఎలిమినేట్ చేస్తూ వచ్చారు. ఇక ఫైనల్ రౌండ్ కోసం ఆరుగురు మిగిలారు. అర్జున్, ప్రియాంక జైన్, యావర్, శివాజీ, అమర్ దీప్, ప్రశాంత్ ఫైనల్ రౌండ్'కి దూసుకెళ్లారు. ఆరో స్థానంలో అంబటి అర్జున్, ఐదో స్థానంలో ప్రియాంక జైన్, నాలుగో స్థానంలో యావర్, మూడో స్థానంలో శివాజీ, రెండో స్థానంలో అమర్ దీప్ నిలిచారు.
రైతు బిడ్డనంటూ భావోద్వేగాలను రగిలించిన ప్రశాంత్
ఇక బిగ్ బాస్ సీజన్ 7 ఛాంపియన్'గా రైతు బిడ్డ పల్లవి ప్రశాంత్ నిలవడం విశేషం. ఆది నుంచి రైతు బిడ్డగా పొలాల్లో వీడియోలు తీసుకుంటూ భావోద్వేగాలను రగిలించిన ప్రశాంత్, తనను బిగ్ బాస్'కి తీసుకెళ్లండని ఓ ఏడాదిగా వీడియోలు చేశాడు. ఈ క్రమంలోనే హౌస్'లోకి ఎంట్రీ ఇచ్చేశాడు. ఇక హౌస్'లోనూ రైతు బిడ్డగా పాపులారిటీ సంపాదించాడు. ఇక బిగ్‌బాస్ విజేతకు 50 లక్షలు అని ప్రకటించారు. కానీ అందులో 15 లక్షలు ఓ కంటెస్టెంట్'ని బయటకి పంపేందుకు ఖర్చు చేశారు.
15 వారాలకు రూ. 15 లక్షలు
ఆ డబ్బులు యావర్ తీసుకుని వెళ్లిపోయాడు. ఫలితంగా విజేత ప్రశాంత్' రూ. 35 లక్షలు మాత్రమే అందుకున్నాడు. మరోవైపు అతని రెమ్యునరేషన్ 15 వారాలకు 15 లక్షలు అని సమాచారం. వీటితో పాటు ఓ మారుతి బ్రెజ్జా కారు, ఓ డైమండ్ నెక్లెస్ కూడా గెలుచుకున్నాడు. ఇదే సమయంలో రెమ్యునరేషన్, ప్రైజ్ మనీ కలిపి సంపాదించిన రూ.50 లక్షల్లో రూ.15 లక్షలు ట్యాక్స్ పోగా చివరికి రూ.35 లక్షలే ప్రశాంత్'కు మిగలిలేది. ఇన్‌స్టాగ్రామ్స్'లో రీల్స్ చేసుకుంటూ రైతు బిడ్డగా ప్రేక్షకుల మద్ధతు కూడగట్టి, బిగ్ బాస్ 7 షోలోకి ఎంట్రీ ఇచ్చి, ఒక్క సీజన్ ద్వారానే ఏకంగా రూ.35 లక్షలు గెలుచుకోవటం కొసమెరుపు.
