Peddi: 'పెద్ది' మూవీ నుంచి బిగ్ అప్డేట్.. రామ్ చరణ్ తల్లిగా సీనియర్ నటీ!
ఈ వార్తాకథనం ఏంటి
గ్లోబల్ స్టార్ రామ్ చరణ్ హీరోగా కొత్త సినిమా 'పెద్ది' వస్తోంది. పాన్ ఇండియా లెవల్‌లో రిలీజ్ కానున్న ఈ సినిమాను ఉప్పెన దర్శకుడు బుచ్చిబాబు సనా తెరకెక్కిస్తున్నాడు. విలేజ్ స్పోర్ట్స్ నేపథ్యంపై రూపొందుతున్న ఈ సినిమాలో బాలీవుడ్ బ్యూటీ జాన్వీ కపూర్ కథానాయికగా నటిస్తున్నారని, ఆస్కార్ విజేత ఏ ఆర్ రహమాన్ సంగీతం అందిస్తున్నారని తెలిసిందే. సినిమా అనౌన్స్‌మెంట్ వెంటనే ప్రేక్షకుల్లో భారీ అంచనాలు ఏర్పడ్డాయి. ఇటీవల విడుదలైన టీజర్ ఆ అంచనాలను మరింత పెంచింది, అందుకే చిన్నన్యూస్ కూడా క్షణాల్లో వైరల్ అవుతుంది. తాజాగా, ఈ సినిమా నుండి మరి క్రేజీ అప్డేట్ వైరల్ అవుతోంది.
Details
రామ్ చరణ్‌కు తల్లిగా సీనియర్ నటి విజి చంద్రశేఖర్
రామ్ చరణ్‌కు తల్లిగా సీనియర్ నటి విజి చంద్రశేఖర్ కనిపించనుంది. ఆమె తాజాగా అఖండ సినిమాలో బాలకృష్ణకు తల్లిగా మెప్పిస్తూ నటించిన తర్వాత, ఇప్పుడు రామ్ చరణ్‌కు తల్లిగా నటిస్తున్నారు. ఈ పాత్రకు చాలా ప్రాముఖ్యత ఉందని, అందుకే మేకర్స్ విజి చంద్రశేఖర్‌ను ఎంపిక చేసినారని సమాచారం. సినిమాలో రామ్ చరణ్, ఆమె మధ్య వచ్చే ఎమోషనల్ సీన్స్ సెకండ్ హాఫ్‌లో హైలైట్‌గా నిలుస్తాయట. సినిమాకు ఏ ఆర్ రహమాన్ సంగీతం అందిస్తున్న విషయం తెలిసిందే. మేకర్స్ దసరా కానుకగా ఫస్ట్ సాంగ్‌ను రిలీజ్ చేయడానికి ప్లాన్ చేస్తున్నారు.
Details
వచ్చే ఏడాది రిలీజ్
ఈ విషయాన్ని రామ్ చరణ్ సోషల్ మీడియా ద్వారా ఫ్యాన్స్‌కు అప్డేట్ చేశారు. ప్రస్తుతం మెగా ఫ్యాన్స్ ఆ సాంగ్ ఎప్పుడొచ్చేదని ఆసక్తిగా ఎదురుచూస్తున్నారు. 'పెద్ది' సినిమా 2026 మార్చి 27న, రామ్ చరణ్ పుట్టినరోజు కానుకగా ప్రేక్షకుల ముందుకు రానుంది. భారీ అంచనాల మధ్య, ఈ సినిమా రామ్ చరణ్‌కు ఎలాంటి విజయాన్ని అందిస్తుందో చూడాలి.