Pinaka: బర్త్‌డే బ్లాస్ట్‌.. 'పినాక' నుంచి గణేష్ పవర్‌ఫుల్ పోస్ట్‌ర్ రిలీజ్!
ఈ వార్తాకథనం ఏంటి
కన్నడ గోల్డెన్ స్టార్ గణేష్ ప్రధాన పాత్రలో నటిస్తున్న తాజా చిత్రం 'పినాక' (Pinaka) కొత్త తరహా థ్రిల్ కలిగించే చిత్రంగా రూపుదిద్దుకుంటోంది. ప్రముఖ కొరియోగ్రాఫర్ బి. ధనంజయ ఈ సినిమాతో తొలిసారిగా దర్శకుడిగా పరిచయమవుతున్నారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్, కృతి ప్రసాద్ ఈ చిత్రాన్ని ప్రతిష్టాత్మకంగా నిర్మిస్తున్నారు. ఇటీవల విడుదలైన టీజర్ సినిమాపై భారీ అంచనాలు పెంచింది. ఇందులో హీరో గణేష్ రుద్ర, క్షుద్ర రూపాల్లో దర్శనమిస్తూ తన విభిన్న అవతారాలతో ప్రేక్షకులను మంత్రముగ్దులను చేశాడు. విజువల్‌గా శ్రద్ధ పెట్టి రూపొందించిన ఈ టీజర్ ప్రేక్షకులకు వినోదంతో పాటు విజ్ఞానాన్నీ అందించిందని చెప్పాలి.
Details
పుట్టినరోజు సందర్భంగా ప్రత్యేక పోస్టర్ రిలీజ్
తాజాగా, గణేష్ పుట్టినరోజు సందర్భంగా మేకర్స్ ప్రత్యేక పోస్టర్‌ను విడుదల చేశారు. ఇందులో గణేష్ నల్లటి యోధుడి వేషధారణలో గుర్రంపై కూర్చుని, చేతిలో కత్తితో సమరయోధుడిగా దర్శనమిచ్చారు. అతని వెనుకవైపు శత్రు సైనికులు గుర్రాలపై దూసుకుపోతూ కనిపించిన వీక్షణంలో యాక్షన్‌కు పెద్ద వేదిక సిద్ధమవుతోందని స్పష్టం చేస్తోంది. ఈ పోస్టర్ సోషల్ మీడియాలో విపరీతంగా వైరల్ అవుతూ అభిమానులలో భారీ ఉత్సాహాన్ని నింపుతోంది. ఈ విధంగా పినాక సినిమాకు సంబంధించి ప్రతి అప్‌డేట్‌తో సినిమా పైన ఉన్న ఆసక్తి రోజురోజుకీ పెరుగుతోంది.