బండి సరోజ్ కుమార్ నుండి మొదటి సారి క్లీన్ సినిమా: పరాక్రమం చూపించడానికి వచ్చేస్తున్నాడు
బండి సరోజ్ కుమార్.. కళ మాది వెల మీది అనే కాన్సెప్ట్ తో యూట్యూబ్ సినిమాలు చేసే దర్శకుడి నుండి ప్రస్తుతం మరో కొత్త సినిమా రాబోతుంది. అంతకుముందు బండి సరోజ్ కుమార్ తెరకెక్కించిన నిర్భంధం, మాంగల్యం చిత్రాల మాదిరి బోల్డ్ గా కాకుండా ఈ సారి క్లీన్ సినిమాతో వచ్చేస్తున్నాడు. ఫ్యామిలీతో కలిసి హాయిగా చూడగలిగే సినిమాను తీసుకొస్తున్నాడు. పరాక్రమం అనే టైటిల్ తో రూపొందుతున్న ఈ సినిమా ప్రీ టీజర్ ఈరోజు రిలీజైంది. గోదావరి జిల్లాలోని లంపకలోవ ఊరిలో జరిగే కథ ఇది అని ప్రీ టీజర్ లో చూపించేసారు. గల్లీ క్రికెట్, ప్రేమ, ఇంకా అనేక ఇతర అంశాల చుట్టూ ఈ కథ తిరగనుందట.
యువతను మేల్కోలిపేలా ఉండనున్న సినిమా
యువతకు నచ్చే అంశాలు పరాక్రమం సినిమాలో ఉండనున్నాయట. అలాగే, యువతను మేల్కొలిపే మంచి సందేశం ఉంటుందని దర్శకుడు బండి సరోజ్ కుమార్ తెలియజేసారు. ఈ సినిమాకు రచన, ఎడిటింగ్, దర్శకత్వం, సంగీతం, నిర్మాత మొదలగు బాధ్యతలన్నింటినీ తానే నిర్వర్తిస్తున్నాడు. ఇంకో విషయం ఏంటంటే, ఈ సినిమాలో కొత్త నటీనటులకు అవకాశం ఉంటుందని, టాలెంట్ ఉన్నవాళ్ళు ఆడిషన్ కి రావొచ్చని దర్శకుడు చెప్పుకొచ్చాడు. BSK మెయిన్ స్ట్రీమ్ బ్యానర్ లో రూపొందుతున్న ఈ సినిమాలో బండి సరోజ్ కుమార్, కిరీటి, మోహన్ సేనాపతి నటిస్తున్నారు. తెలుగు, తమిళం భాషల్లో 2024 ఫిబ్రవరి 14వ తేదీన పరాక్రమం సినిమా విడుదలవుతుంది.
