The Raja Saab : నెల ముందే బుకింగ్స్ జోరు.. 'ది రాజా సాబ్' అడ్వాన్స్ వసూళ్ల సంచలనం
ఈ వార్తాకథనం ఏంటి
రెబల్ స్టార్ ప్రభాస్ హీరోగా నటిస్తున్న తాజా చిత్రం 'ది రాజా సాబ్' ఇప్పటికే ప్రేక్షకుల్లో భారీ అంచనాలను పెంచేసింది. డైరెక్టర్ మారుతి దర్శకత్వంలో రూపొందుతున్న ఈ సినిమా, ఓ సరికొత్త రోమాంటిక్ హారర్ కామెడీగా ప్రేక్షకుల ముందుకు రానుంది. మేకర్స్ ఈ చిత్రాన్ని 2026 న్యూ ఇయర్ స్పెషల్గా జనవరి 9న ప్రపంచవ్యాప్తంగా విడుదల చేయడానికి ఏర్పాట్లు చేస్తున్నారు. ఇటీవల విడుదలైన ఈ సినిమా తొలి పాట 'రెబల్ సాబ్' ఇప్పటికే అభిమానుల్లో మంచి హైప్ను క్రియేట్ చేసింది. త్వరలోనే రెండో పాటను విడుదల చేసి సినిమాపై అంచనాలను మరింత పెంచేందుకు మేకర్స్ సిద్ధమవుతున్నారు. ఇదిలా ఉండగా, ఈ సినిమాకు సంబంధించిన అడ్వాన్స్ బుకింగ్స్ నార్త్ అమెరికాలో ఇప్పటికే ప్రారంభమయ్యాయి.
Details
భారీ ప్రాజెక్ట్లో హీరోయిన్లగా మాళవిక మోహనన్, నిధి అగర్వాల్, రిద్ధి కుమార్
విడుదలకు ఇంకా దాదాపు నెల రోజుల సమయం ఉన్నప్పటికీ, అడ్వాన్స్ బుకింగ్స్ ద్వారానే ఈ చిత్రం 100K డాలర్లకు (సుమారు రూ.83 లక్షలు)పైగా వసూళ్లు సాధించడం సినీ వర్గాల్లో ఆశ్చర్యం కలిగిస్తోంది. ఈ గణాంకాలు చూస్తే, అమెరికాలో ప్రభాస్కు ఉన్న క్రేజ్ ఏ స్థాయిలో ఉందో స్పష్టంగా తెలుస్తోంది. రాబోయే రోజుల్లో ప్రమోషన్ కార్యక్రమాలు మరింత జోరుగా సాగితే, ఓవర్సీస్ మార్కెట్లో ఈ సినిమాకు ఇంకా భారీ ఊపు వస్తుందని ట్రేడ్ వర్గాలు ధీమాగా చెబుతున్నాయి. ఈ భారీ ప్రాజెక్ట్లో మాళవిక మోహనన్, నిధి అగర్వాల్, రిద్ధి కుమార్ హీరోయిన్లుగా నటిస్తున్నారు. ఈ చిత్రాన్ని ప్రతిష్టాత్మక పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్, కృతి ప్రసాద్ అత్యంత భారీ బడ్జెట్తో నిర్మిస్తున్నారు.