#BoyapatiRAPO ఫస్ట్ థండర్ రిలీజ్: మాస్ డైలాగ్ తో ఊరమాస్ లుక్ లో రామ్ పోతినేని
హీరో రామ్ పోతినేని బర్త్ డే సందర్భంగా బోయపాటి దర్శకత్వంలో ఆయన నటిస్తున్న సినిమాలోంచి ఫస్ట్ థండర్ పేరుతో చిన్నపాటి టీజర్ రిలీజ్ అయ్యింది. ఈ టీజర్ లో రామ్ పోతినేని ఊరమాస్ గెటప్ లో కనిపించారు. ఇదివరకు రిలీజైన ఫస్ట్ లుక్ మాదిరిగానే మాస్ అవతార్ లో దర్శనమిచ్చాడు. అడ్డదిడ్డంగా పెరిగిన గడ్డం, కొంత లావెక్కిన శరీరం.. అన్నీ కలిసి అసలు సిసలు మాస్ ని రామ్ లోంచి బయటకు తీసుకొచ్చాయి. స్టేట్ దాటలేనన్నావ్, దాటా.. గేటు దాటలేనన్నావ్, దాటా.. ఇంకెంటి బొంగులో లిమిట్స్ అంటూ డైలాగ్ లోనూ మాస్ ని చూపించాడు. ఇక దున్నపోతును తీసుకొచ్చి ఫైట్ చేయడం అనేది ఫస్ట్ థండర్ లో హైలైట్ గా నిలిచింది.
పాన్ ఇండియా రేంజ్ లో విడుదల
బోయపాటి హీరో ఎలా ఉంటాడో అలా కనిపించాడు రామ్. ఈ టీజర్ లో రామ్ లోని చాక్లెట్ బాయ్ ఆనవాళ్ళు ఎక్కడా కనిపించలేదు. హీరోయిన్ శ్రీలీల ఒకే ఒక్క షాట్ లో మెరిసింది. ఇక్కడ మరో విషయం ఏంటంటే, ఈ సినిమాను తెలుగుతో పాటు తమిళం, కన్నడ,మలయాళం, హిందీ భాషల్లో రిలీజ్ చేస్తున్నారు. ఈ మేరకు టీజర్ లో ప్రకటించారు కూడా. ఇస్మార్ట్ శంకర్ నుండి రామ్ పోతినేని, మాస్ ఇమేజ్ మీద బాగా దృష్టి పెట్టాడు. ఇస్మార్ట్ తర్వాత రెడ్ లో కూడా మాస్ క్యారెక్టర్ చేసాడు. ఇప్పుడు పూర్తిస్థాయి మాస్ పాత్రలో కనిపిస్తున్నాడు. ఈ సినిమాను అక్టోబర్ 20వ తేదీన రిలీజ్ చేస్తున్నారు.
